Matyu 10:36 - Udél Dwata: Gna Kesfasad ne Lomi Kesfasad

³⁶ Deng mom yó hol hmohon du yóm sotu tau, duhen yóm kun fes lówó.

Matyu 10:36 Referans Kwoze

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Kem Lingón 41:9

Balù yó hem hol dou wè, yóm alì snaligu, yóm tehe gel mken béléu, deng mom hohonen ou.

Kem Lingón 55:13

Okóm mom uu yóm mò du béléu, dumuhu senged, ne dou dumu slomong, ne hol dou wè.

2 Samwél 16:11

Yó udél Dabid ebè Abisay ne ebè kdê yó kem genlalen, monen, “Hol dou ngà se yóm tô malu hmatay do ni, milud he kutó nawahen do nim sfu Bindyamin nii, yakà kun dumu du Sol. Bayà ye du ne. Bayà ye du ne yóm kehmulaen, yakà deng hmò Dwata du.

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

1 Samwél 17:28

Okóm gungol Ilyab yóm twogu Dabid, yóm kestulón Dabid bè yó kem tau yó ya tey sidek kebuten du, yó monen mò du, “Moen du ke nói bè ni? Tau du se hbenteyem yó kem ubiha là wen ditu bè yóm benwu laen hol wen tauhen? Tngónu se yóm tey kehegmónem ne yóm sidek gel nô lem hendemem. Yó nógówem olom temngel sfatay.”

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Kun Snulat Jan 13:8

Bud mudél Pitér, monen, “Là kóe na a móyô holob du kóm yóm tihu, Sér.” Bud mon Jisas se, “Ke là nolobu du yóm tihem, là kô uu du yóm tau lemolò do.”

Matyu 10:21

Bè yóm kdaw yó, angat wen se tau setwoli, glef hekfô le yó kem kul dumu setwoli ne hfatay le. Ne wen se kem mà, glef hekfô le yó kem kul ngà ne hfatay le. Dalang se yó kem ngà, glef hekfô le kem kul tuha ne hfatay le.