Matyu 10:34 - Udél Dwata: Gna Kesfasad ne Lomi Kesfasad

³⁴ “Ilóem ofo kuy ke yó hendufu edini ke naw e sensotu nawa tau te tonok. Là, yó hendufu naw e semkla nawa.

Matyu 10:34 Referans Kwoze

Kul Nmò 14:4

Baling mesgólól nawa yó kem tau nô bè yóm syudad yó. Wen se gfi bè yó kem Ju, ne wen se gfi bè le Pol.

Kul Nmò 14:2

Okóm wen se kem Ju hemda du yóm ktolok le. Yó nmò le, dê sidek tulón le yó kem tau là Ju le anì lenbut le yó kem tau hemtahu bè Jisas.

Jirimaya 15:10

Yó udél Jirimaya, monen, “Tey tau laen dù kligalen nim ou. Moen de, Yê, ke tehe hesutem ou lem nim benwu ni? Tey kekbê le dou yó kem tau bè klamangen benwu me. Là kóe deng mutóng filak se dou ne là se kóe deng hutóng. Okóm moen se ni du ke deng mom hnagi le ou yó kem tau?”

Deng Hegfan 6:4

Ne tahu se, tódô tonu se yóm kudà hulô hsut. Ne wen kfasang blay le yóm tau smakay tahen mò na a mit sgida ebè klamangen benwu anì na le e stibó yó kem tau. Ne wen tey sudeng tahà blay le du.

Kul Nmò 28:29

Kogol yóm mon Pol ni, omin le tódô gotu lemwót yó kem Ju, ya tey keskaf le mon són lu lemwót bè yóm ktolok Pol.