Matyu 10:32 - Udél Dwata: Gna Kesfasad ne Lomi Kesfasad

³² Bud mon Jisas, “Yóm tau ke gel tulónen yóm kloloen do lem blóng kem dumun tau, angat bud tulónu se kun bè solu Mà bè longit.

Matyu 10:32 Referans Kwoze

Deng Hegfan 3:5

Yó kem tau gel matù bè yó kem sidek gel sut, angat benlayu lu nes bukay, ne là kô kóhu du yóm kul boluy bè yóm bok lowil. Ne bè yó bè solu Mà ne yó kem gel hógówen gu bè longit gónóhu tmulón du yóm deng kfunu kul.

1 Jan 4:15

Ke wen tau mon du hol Ngà Dwata yóm Jisas Krays, deng le ssotu Dwata ne yóm tau yó, ne hlós nô béléen Dwata.

2 Timuti 1:8

Duhen yó, béem kenyak tmulón du yóm deng tngónem gbak ebè yóm gónó tekuy mogot. Béem kenyak se nim fen kegkukubu lanu mimón ke Krays. Ne béem hentaw ke wen gbunuem bè kwitem du yóm Tulón Hyu. Dwata he temgel kóm.

Deng Hegfan 2:13

“Deng gotu tngónu yóm knô ye bè yóm benwu kun knamal Seitan. Ewenem yó, là kóen monol yóm kehtahu ye béléu. Ne là se dog hnalà ye do balù yóm le khatay le ke Antipas, yóm tau alì teneb ktoloken yóm dou udél. Hnatay le bè yó lem yóm benwu gónóhen nô Seitan.

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.

Kun Snulat Jan 9:22

Yó gónó le mon du yóm mon le yó, abay se likò le yó kem Ju wen glal le. Yakà deng mon le du, ke wen tau hemtahu ke Jisas ke du yóm Misaya, là kô bud hmung le du lem gónó le gel stifun yó kem Ju yóm tau yó.

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

Kem Lingón 119:46

Là kóe myak tmulón du bè yó kem tau hol geta yó kem hlauhem.

Kun Snulat Luk 15:10

Tódô tulónu kuy,” mon Jisas, “hol lómón yó se kehligal yó kem hógów Dwata nô bè longit ke hegsel yóm sotu tau gemsalà.”