Matyu 10:30 - Udél Dwata: Gna Kesfasad ne Lomi Kesfasad

³⁰ Milud he yó dum kuy. Balù yó he kem balu wek ye, deng gotu nsó Dwata.

Matyu 10:30 Referans Kwoze

Kun Snulat Luk 12:7

Balù yó he kem balu wek ye, deng gotu nsóhen. Yó gónóm mon, bê ye abay hlikò. Bong ye mebtes se kuy senta yó kem tey dê ngà onuk bnes.”

1 Samwél 14:45

Okóm yó udél le ebè Sol yó kem tau, mon le, “Hyu kô ke matay Junatan igoen du hegmò yó kem tau Israél kemdaw ni? Là hyuhen. Safà me bè yóm Dwata là matayen, balù sotu balu wek Junatan ke wen tódô du, yakà du yóm tnóbóng Dwata mò du yóm tey hentaw deng nmoen kemdaw ni.” Duhen yó, lenwà yó kem tau Junatan ne là matayen.

Kul Nmò 27:34

Olò ye na mken dé anì mgel ye. Laen kô tau angat lana bélê tekuy, balù sotu.”

Kun Snulat Luk 21:18

Okóm, balù sbalu wek ye, là kóen na a lana bélê ye.

2 Samwél 14:11

Yó bud udél yóm libun, monen, “Ó Sér, smafai dou hlanem bè yóm sana kóm Dwata hol gónó mogot, hol béi móyô ke tô bneles le katay yóm ngau, là bude móyô ke bud wen litô molo.” Yó mon yóm tau hol geta mò du, “Safau hlanu bè yóm Dwata là matayen, balù sbalu wek ngaem ke tô getdol le.”

1 Bok Kem Tau Hol Geta 1:52

Yó balà Selumun du, monen, “Ke hegfanen béléu yóm kehyu kmoen, balù sbalu weken là kóen lana béléen. Okóm ke là, angat matay.”