Matyu 10:26 - Udél Dwata: Gna Kesfasad ne Lomi Kesfasad

²⁶ “Bê ye hlikò bè tau,” mon Jisas. “Kdéen gebnos deng nmò tau, angat gotu gfan. Duhen ke wen bunihen bè kem dumuhen, tódô gotu bud tngón.

Matyu 10:26 Referans Kwoze

Kun Snulat Luk 8:17

Yóm gebnos nim kmoen ni, angat gfan ne yóm gel gbuni nim kmoen ni, bud gfan elem hulin kdaw.

Jirimaya 1:8

Béi abay hlikò bè yó kem tau, yakà tendohe nô béléem mò kemlung kóm. Ou se Dwata nim mudél ni.”

Mark 4:22

Yóm gebnos nim kmoen ni, angat gfan elem hulin kdaw. Yóm glimun nim kmoen ni, angat getnef le elem hulin kdaw.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Kem Udél Hlalak Tehe Selumun 28:1

Tódô mlóy là wen kemtes du yóm tau gel mò sidek, okóm yóm tau tedeng kmoen lómón klóbóen liyun.

1 Pitér 3:14

Okóm baluen se ke wen hemsidek kuy lemwót bè yóm hyu gel nmò ye, wen kligal ye du myó. Bê ye hlikò, ne bê ye htafa nawa ye.

Isikél 2:6

Béléem kóm, Tau Tonok, hol béi abay hlikò bélê le. Béem knikò yó kem dê gel udél le, baluen ke lómón ktelemen yó kem sual ne lómón kdesen ékét syufón. Béem abay knikò yóm gel ketngel le des, abay se hono le tau là mimón yóm kdê le.

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Kul Nmò 4:19

Okóm bnalà Pitér ne Jan lu, mon le, “Bè kuy kmò kehedem du, mahi du hyu bè kton Dwata kum, ke nimón me yu duhen ke Dwata?

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kul Nmò 4:13

Ya tey ketnga yó kem tau hol geta mogot kukum yóm kton le laen dù klikò le Pitér ne Jan, ne yóm ketngón le du olo le kem tau hkawang, laen dù hennagì le. Bud gtulón bè nawa le yó kem lewu tau yó, lu se yóm tehe gel slomong ke Jisas.

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Kem Udél Hlalak Tehe Selumun 10:9

Laen kô hemenen yóm tau tedeng kehedemen, okóm yóm tau là tedeng kehedemen gekfô du yóm kmoen sidek.

Kehedem Tau Tmolok 12:14

Gotu knukum Dwata kdê yó kem gel nmò tekuy, hyu duhen sidek. Balù yó he kem nmò gebnos, gotu knukumen.