Matyu 10:25 - Udél Dwata: Gna Kesfasad ne Lomi Kesfasad

²⁵ Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”

Matyu 10:25 Referans Kwoze

Kun Snulat Luk 11:15

Okóm wen se fen mon du, “Kaem Seitan yóm htulus du yó, yakà són bè Seitan du gónó le mogot kul yó kem busaw.”

Matyu 12:24

Timbow gungol yó kem Farisi nim mon le ni, mom mon le, “Là kô yó du. Kaem Seitan yóm htulus du yó, yakà són du Seitan kul ogot yó kem tulus sidek.”

Matyu 9:34

Okóm kul yó kem Farisi, mom yó kmon le du, “Kaem lemwót bè Seitan yóm kul ogot yó kem tulus sidek, yóm kfasangen hdó tulus seitan yóm tau yó.”

Kun Snulat Jan 7:20

Ne yó udél yó kem tey tau wen bè yó, mon le, “Deng wen malak kóm. Laen kô dù tau tô hmatay kóm.”

Mark 3:22

Wen se bè yó kem tau tmolok hlau lemwót bè Jirusalim nô bè yó. Yó udél le ebè Jisas, mon le, “Nalak Seitan, yóm kul ogot yó kem busaw. Yó gónón gembek hdó yó kem busaw.”

Kun Snulat Jan 8:48

Deng mom yó bud balà le ke Jisas, mon le, “Tahu se yóm gel mon me, tauhi lemwót bè Samarya se kóm, lelen wen busawem.”

Kun Snulat Jan 10:20

Tey dê se bélê le mon du, “Wen busaw malak du” mò ke Jisas. “Lengel matahen. Moen de ke hnungol ye udélen?”

Kun Snulat Jan 8:52

Bnalà le se, mon le mò du, “Ni deng tngón me wen busaw malak kóm. Igoen deng matay Abraham dalang se yó kem tehe gna tugod Dwata. Okóm yó monem, ke wen tau mimón du yóm tolokem, là kóen na a matay.

2 Bok Kem Tau Hol Geta 1:2

Sotu kdaw, membel kebtang Ahasaya, yóm lomi tau hol geta bè benwu Israél, gu ditu ta bè yóm klóón nmò le bè gónón hnos ta yóm gónô bongen bè Samarya ne tey sidek kegnómen du. Yó gónón wen kem tau hógówen ebè Baal-sibub yóm dwata lennged yó kem tau bè Ikrun, anì snólók le béléen ke mowil du.

Matyu 12:27

Ke mon ye lemwót bè Seitan yóm kehdóhu tulus sidek, wen snólóku bélê ye. Tedu se gónón lemwót yóm kehdó le tulus seitan yó kem gel lemolò kuy? Tau du de gel htulus kul? Ke là lemwóten bè Seitan yóm kul kegbek hdó tulus sidek, yó se gónón gdilô yóm ksalà kehedem ye.

Kun Snulat Luk 11:18

Duhen yó, ke sónmò le sfatay yó kem tau nogot Seitan, deng mesgólól ne nawa yó kem tau nogoten, ne yó se angat gónó le meglà. Gel mon ye lemwót bè Seitan yóm kegbeku hdó busaw.

Kun Snulat Luk 11:19

Ke tahu se yóm gel mon ye yó, wen snólóku bélê ye. Tedu de gónón lemwót yóm kul kegbek hdó busaw yó kem gel lemolò kuy? Ke là lemwóten bè Seitan yóm kul kegbek hdó busaw, yó se gónón gdilô salà kehedem ye.

Mark 10:39

Mon le se, “Gbek me.” Mon Jisas, “Tahu se, wen kdawen nmò le bélê ye lómón yóm angat nmò le béléu.