Matyu 10:24 - Udél Dwata: Gna Kesfasad ne Lomi Kesfasad

²⁴ Yóm tau ke hanà tolo dmalang, là kóen geta senta yóm tau tmolok du. Dalang se yóm tau mò nmò, là kóen geta senta yóm gónón mogot.

Matyu 10:24 Referans Kwoze

Kun Snulat Jan 15:20

Hol hentulón ye nawa yóm tehe monu mò kuy,” mon Jisas. “ ‘Yóm tau gel dók, là kóen geta senta yóm tau mdók du.’ Ke deng hensidek le o, angat hensidek le yu se kuy. Ke deng nimón le yóm toloku, angat nimón le se yóm kuy tolok.

Kun Snulat Luk 6:40

Yóm tau ke hanà tolo dmalang, là kóen geta senta yóm tau tmolok du. Okóm yóm tau ke deng megtolok, angat guliten yóm tau tmolok du.”

Kun Snulat Jan 13:16

Tódô tulónu kuy ktahuhen,” mon Jisas. “Là kóen geta senta amohen yóm tau hesek. Ne yóm tau gel dók, là kóen geta senta yóm tau mdók du.

2 Samwél 11:11

Yó balà Uraya du, monen, “Blaem yóm Slungan Dwata ne yó kem sendalù Israél ne Juda, tolo le nô ditu bè lewà bè kamfù le. Ne nô ditu snéen kun ke Juab ne yó kem sendalù genlalen. Là gbeku du ke tóe fen mulék ebè gónô dou, ke fene tô mken ne minum ne stungô ke yehenu. Safau, là gbeku mò du yóm yó.”

Matyu 10:25

Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”