Matyu 10:22 - Udél Dwata: Gna Kesfasad ne Lomi Kesfasad

²² Angat tey dê tau kmutó nawa kuy lemwót bè yóm klolò ye do. Okóm yóm tau ke gbeken hembala du yó kem gónóhen glayam efet kól bè hol sónen, du se gmuta du yóm klowil laen dù tul sónen.

Matyu 10:22 Referans Kwoze

Matyu 24:13

Okóm hol ye hbala efet kól bè sónen anì angat guta ye yóm klowil laen dù sónen.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Mark 13:13

Angat tey dê tau kmutó nawa kuy lemwót bè yóm klolò ye do,” mon Jisas. “Okóm yóm tau gbeken hembala du yó kem gónón glayam efet kól bè hol sónen, du se gmuta du yóm klowil laen dù sónen.”

Matyu 10:39

Yóm tau knamaen klowilen, angat lana béléen yóm klowilen yó. Okóm yóm tau là knamaen du yóm klowilen, angat gutahen yóm klowil laen dù sónen.”

1 Jan 3:13

Yó gónóm mon, kem dumuhu setwoli, bê ye hentaw ke knutó nawa le yu yó kem tau là hemtahuhen.

Matyu 24:9

Ne angat tey dê tau bè klamangen benwu kmutó nawa kuy lemwót bè yóm klolò ye do. Tódô kenfô le yu, ne tey kehsidek le kuy, ne hnatay le yu.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Hibru 6:11

Yó hol hesgalu me kuy, yóm ket kuy na sotu, ke hol henlel ye mò du yóm hyu efet kukol towok ye, anì angat ton ye yóm hendón nefet nawa ye.

Kun Snulat Jan 17:14

Deng gotu toloku kul, Mà, yóm kóm udél. Ne deng mom knutó nawa le lu yó kem tau là hemtahuhen, abay se là bud nmung le du yóm kul kehedem, lómón yóm dou là kmung du.

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Kun Snulat Luk 6:22

Tey kehyuhen bélê ye ke gel knutó nawa le yu yó kem tau lan ye lemolò yóm Ngà Tau. Mom hyu nawa ye he ke kenbê le yu, ne ke gel hennê le yu, ne ke gel sidek kestulón le kuy.

2 Kurin 4:11

Bè nim igò me tolo mowil, eles tendo moni bélê me se yóm hatay lan me lemolò ke Jisas. Okóm bè ni kem gel hlayam me ni gónón gfan yóm deng bud klowil Jisas lanen gel tmóbóng kum.

Matyu 5:11

Tey kehyuhen bélê ye,” mon Jisas, “ke hennê le yu, ne ke hensidek le yu, ne ke dê sidek udél le eta ye lemwót bè yóm klolò ye do.

Deng Hegfan 2:17

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yóm sidek gel sut, angat hkenu kul yóm ken là ton mata du mò hekgis kul. Ne angat benlayu lu ket kul sotu yóm botu bukay wen lomi boluy nô du. Laen dù dumu tau temngón du yóm boluy yó, tek són yóm tau gmuta du.”

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Kun Snulat Luk 8:15

Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Deng Hegfan 2:7

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, angat hkenu kul bungu yóm koyu hlowil tau tmowok bè benwu Dwata.”

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

Deng Hegfan 2:26

Yó kem tau gel matù bè yó kem sidek gel sut, ne glolò le yóm dou kóyô efet kól bè yóm hol són kdaw, angat wen kwalis blayu kul, hol skél bè yóm kwalis tehe blay Mà do, duhen yóm kwalis mogot benwu. Tey mfasang yóm kukum hogotu kul. Ke wen là mimón kul, lómó kmò le kul ke bnogul le bala tók yóm kuleng tonok. Ne blayu kul snéen yóm blotik semla, yóm alì gel mnóng móyón mwas.

Kul Nmò 9:16

Angat hegfanu béléen he yóm gónón glayam bè yóm kloloen dou.”

Deng Hegfan 2:3

Deng tonu snéen yóm khanay ye nawa, ne yóm tey kehbala ye du yóm gel keglayam ye lemwót bè yóm klolò ye do, ne yóm là ktakas ye lemolò do.

Kem Udél Hlalak Tehe Selumun 29:27

Yóm tau tedeng kmoen kenliten yóm tau gel mò sidek senged se yóm tau gel mò sidek bud kenliten yóm tau tedeng kmoen.

Kun Snulat Luk 21:17

Angat tey dê kmutó nawa kuy lemwót bè yóm klolò ye do.

Kun Snulat Luk 21:19

Eles ye hol ye hbegel,” mon Jisas, “anì angat guta ye yóm klowil laen dù sónen.”