Matyu 10:20 - Udél Dwata: Gna Kesfasad ne Lomi Kesfasad

²⁰ Abay se là kô kuy udél du yóm angat mon ye, okóm udél hmonen kuy yóm kun Tulus yóm Mà tekuy bè longit.

Matyu 10:20 Referans Kwoze

Kul Nmò 6:10

Okóm là kô le gemmò béléen, abay se yóm Tulus Dwata bemlay ke Stéfén khulung mudél.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Kun Snulat Luk 12:12

Abay se bè yóm kdaw yó, yó hem Tulus Dwata fen angat hefedem du kuy yóm mò kbalà ye kul.”

2 Samwél 23:2

Wen hudélen do yóm Tulus Dwata. Nô lem baku yó kem udélen.

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

Kul Nmò 4:8

Bnalà Pitér lu, uma kóm yóm Tulus Dwata malak du ksumóngen, monen mò kul, “Yu kem tau gónó me gel galak, dalang se kuy kem tuha.

Kul Nmò 2:4

Yó se kmò ksuten bélê le yóm Tulus Dwata. Bè yóm ksuten bélê le yó, tódô le hulung mudél bè yóm udél là deng tehe kul tngón du, abay se yóm Tulus Dwata fen hetngón du kul.

2 Kurin 13:3

Wen ilô hnebel ye kun mò gónó ye dmilô du yóm khudél Krays dou. Angat ton ye he yóm hnebel ye yó bè yóm ktafaku kuy. Angat gnóm ye yóm tey klóbô Krays. Angat hegfanen lem blóng ye yóm tey kfasangen.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Kul Nmò 28:25

Bè yóm kewót le bè yó, là ssotuhen kehedem le lemwót bè yóm sotu bud tulón Pol kul, yóm monen, “Bong tahu se yóm tehe udél yóm Tulus Dwata ebè yó kem tehe fù tekuy ekni, hlanen bè Isaya, yóm sotu tehe gna tugoden.

Kul Nmò 13:9

Uma kóm yóm Sol, yó sotu gel boluy le du Pol, tey kalaken du yóm Tulus Dwata. Yó nmoen, tódô hnunu tenngelen yóm tau wen lamaten yó, ne monen mò du,

Kun Snulat Luk 11:13

Balù se yóm kuy là kgulit,” mon Jisas, “ewenem sana khulung ye bemlay kem ngà ye yóm hyu bélê le. Milud he yóm Mà tekuy bè longit ke hni ye béléen yóm kun Tulus, tódô blayen kuy.”

Mark 12:36

Okóm ke Dabid kun, wen tehe udélen ekni, hmonen du yóm Tulus Dwata, yó monen, ‘Ni se udél Dwata ebè yóm gónóhu mogot, yó monen mò du, Myóni bè ni dé fi bè kwananu. Angat gotu ndau lu elaan yó kem hmohon kóm.’

Matyu 6:32

Ni se gel tnafa nawa yó kem tau là deng temngón ke Dwata. Okóm yóm Mà tekuy bè longit, deng eles tngónen yóm kwen mu ye du ni kem ni.

Kehewà 4:12

Yó ne lemwóti, tendo tnóbóngu u he mudél ne tulónu kóm yóm angat monem.”

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.