Matyu 10:17 - Udél Dwata: Gna Kesfasad ne Lomi Kesfasad

¹⁷ Eles ye temgama, abay se angat wen kem tau kemfô kuy, nit le yu ebè yóm gónó skukum, ne nabid nfes le yu bè yó kem kul gónô gel stifun yó kem Ju.

Matyu 10:17 Referans Kwoze

Mark 13:9

Eles hol ten-gama ye,” mon Jisas, “abay se angat wen kem tau kemfô kuy, nit le yu ebè yóm gónô skukum, angat nabid nfes le yu bè yó kem kul gónô gel stifun yó kem Ju. Lemwót bè yóm klolò ye do, angat nit le yu bè solu yó kem gubérnor, ne bè yó kem dumu tau hol geta. Yó se yóm kdaw tnana keheglileb ye yóm Tulón Hyu.

Matyu 23:34

Tódô tulónu kuy, angat wen kem tau bud hógówu elem blóng ye, yó kem tau tugod Dwata, ne yó kem tau hulung hedem, ne yó kem tau hulung tmolok. Tódô wen bélê le hnatay ye, wen se tnutuk ye bè kros, ne wen se nfes ye lem gónô ye gel stifun, ne mom ktes ye lu ebè yó kem dumu benwu gónó le e mlóy.

Kul Nmò 26:11

Tey deng dê duléku ne hemsidek kul lem yó kem kul gónó gel stifun yó kem Ju. Yó hol kóyóu ke tebel le yóm kul kehtahu bè Jisas. Lemwót bè yóm alì kebutu kul gloku mebel kul ebè dumu benwu.”

Kun Snulat Jan 16:2

Angat là bud hmung le kuy bè yó kem gónó ye gel stifun. Angat wen kdaw le hmatay kuy yó kem tau. Ofo kul mò du yóm yó, ke yó yóm hyu bè Dwata.

Kun Snulat Luk 12:11

Ke wen tau kmamo kuy lemwót bè yóm klolò ye do, ne ke nit le yu ebè yó kem gónó le gel stifun yó kem Ju mò gónó le kmukum kuy, duhen ke nit le yu ebè yó kem gubérnor duhen ke ebè yó kem dumu tau mogot benwu, bê ye abay tô lenóngón nawa yóm angat mò kbalà ye kul.

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Kul Nmò 22:19

Ne yó monu mò du, ‘Deng gotu tngón yó kem tau bè ni, yóm tehe gel nmou. Deng tódô ketu yó kem kul gónó gel stifun yó kem Ju, gel kemfô yó kem tau hemtahu béléem ne hensideku lu.

Hibru 11:36

Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.

2 Timuti 4:15

Gel nabungem se kóm, yakà tey sidek kekbéen du yóm gel tolok te.

Flipay 3:2

Hol ten-gama ye yó kem tau sidek nmò le, kem tau alì sekban, kem tau alì móyô mò du bélê ye yóm tmulì.

Kun Snulat Jan 11:47

Lemwót yó kem Farisi ne yó kem geta gel demsù ebè Dwata, gotu tinok le yó kem tau hol geta mogot kukum anì gotu le stifun. Bè yóm deng kestifun le, mon le, “Tedu atul kuy ni du? Blaem tey dê hentaw ton nmoen tum tau tu.

Mark 13:12

Bè yóm kdaw yó,” mon Jisas, “angat wen se tau glef hekfô le yó kem hol kul dumu setwoli mò hfatay le. Wen se kem tau, glef hekfô le yó kem hol kul ngà mò hfatay le. Dalang se yó kem ngà, angat glef le hfatay yó kem hol kul tuha.

Matyu 26:59

Ne lemwót yó kem tau geta bè yó kem gel demsù ebè Dwata ne kdê yó kem tau geta mogot kukum, mebel le dalil mò lan le hfatay ke Jisas lemwót bè yóm gel tifù yó kem dumu tau, baluen ke là tahuhen.

Kul Nmò 17:14

Yó nmò yó kem tau hemtahu bè Beriya, kendel bud hewót le Pol ebè kilil mohin, okóm tagak bè Beriya Silas lewu le Timuti.

Matyu 20:19

Ne angat blay le elem tdok yó kem tau là Ju le. Tey kehlowon le du, ne lel le mfes du, ngangen efet tnutuk le bè kros. Bede bè getluhen kdaw, tódô bud hlowil Dwata.”

Matyu 10:18

Lemwót bè yóm klolò ye do gónó le angat mit kuy bè solu yó kem gubérnor, ne bè yó kem tau hol geta. Yó se kdaw ye tnana hetngón du bélê le yóm Tulón Hyu, dalang se ebè yó kem tau là Ju le.

Kul Nmò 9:2

mni béléen sulat mò niten ebè yó kem tau malak bè yó kem ket gónó le gel stifun yó kem Ju bè syudad Damaskus anì duhe kóm, ke wen tau tonen hemtahu bè Jisas, wen kwalisen kemfô kul, kihu ke libun duhen ke logi, anì gotu niten lu ebè Jirusalim. Ne tahu se, smulat yóm tau hol geta yó, ne hwiten ke Sol.