Matyu 10:16 - Udél Dwata: Gna Kesfasad ne Lomi Kesfasad

¹⁶ “Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Matyu 10:16 Referans Kwoze

Kun Snulat Luk 10:3

Lemwót ye ne. Nim khógówu kuy ni, hol lómón ke yó kem ngà ubiha hógówu elem blóng tu kem ógóf lóbô lem bnes boluyen wolf.

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Kul Nmò 20:29

Tódô eles tngónu se,” mon Pol, “ke là bude nô bélê ye, angat wen sut lem blóng ye kem tau tmolok sekban. Yó kem tau yó, hol lómón ke ógóf lem bnes alì lóbô, gotu senkla le yu.

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

1 Tisalunika 5:22

ne hol ye hlayuk du kuy yóm kdéen nmò sidek.

2 Kurin 11:14

Là hentaw tekuy du yóm kul nmò yó. Ngem sem Seitan du kun, gel hlingu bè hógów Dwata alì lemayag gu bè longit.

Tekang Kbuten 3:1

Bè kdê yó kem gel nô lem bnes deng dlimun yóm sana Dwata hol gónó mogot, ulal yóm alì hulung smukat bélê le. Ne snólók yóm ulal yóm libun, monen, “Tahu kô deng mon Dwata mò kuy hol bê ye abay ken yó kem bungu koyu bè nim hungul ni?”

1 Tisalunika 2:10

Deng ton ye se kuy, ne deng ton Dwata snéen kun yóm klaen dù belenen yóm gel kmò me bè yóm tehe knô me bélê ye ekni. Hono tedeng. Balù udì ke wen gónó ye gemsanil kum.

Kulasi 1:9

Yó gónóm mon, lemwót bè yóm kungol me du yóm kehtahu ye, là kóen skó yóm tendo gel kni me bélê ye bè Dwata. Yó gel hni me béléen anì hol hetngónen kuy yóm kun kóyô, hlanen bè yóm khulung hedem ne yóm khulung milô gel blayen tekuy yóm kun Tulus.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

2 Kurin 8:20

Yó gónó me móyô ke wen tau mung kum, là móyô me du ke wen sanil le kum bè yóm kmò kogot me du yóm tey filak blay le yó.

Tekang Kbuten 3:13

Ne snólók Dwata yóm libun, monen mò du, “Moen de ke nmoem nim ni?” Ne yó balaen du yóm libun, monen, “Yóm ulal fen smukat dou, yó sem gónóhu mken du.”

Jirimaya 40:16

Okóm yó udél Gidalaya ebè Juhanan, monen, “Bê. Béem lusà du tô nmoem. Béem tnifù kéng Ismaél.”

Matyu 24:25

Eles tulónu kuy nim ni,” mon Jisas, “anì hol ye getgama.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

Matyu 25:2

Limu bélê le yóm là hulungen hedem, ne limu se hulung hedem.

Matyu 25:4

Okóm eles wen kul lenagas nwit yó kem libun hulung hedem.

Matyu 25:9

Ne mudél se yó kem libun hulung hedem, mon le, ‘Là bud gsakufen kuy ne nim kum lenagas ni. Tódô ye na a bemli kuy ne bè tindà.’ Tahu se, na le e bemli yó kem libun là hulung hedem.

Nihimaya 4:13

Bè yóm kungolu du yóm yó, yó nmou sket benlayu lu tók ne buyus ne boho yó kem tau mò nmò, ominu mólól kul mlan bè ket tbong le ne suu lu bè ket gónón là deng sikof yóm beng botu bud hdà me mò mentey bè yó.