Matyu 10:11 - Udél Dwata: Gna Kesfasad ne Lomi Kesfasad

¹¹ Ke sut ye bè yóm benwu bong duhen ke bè yóm benwu udì,” mon Jisas, “hol hnebel ye yóm tau móyô hmódó kuy. Béléen gónó ye mefet efet kól bè kulék ye.

Matyu 10:11 Referans Kwoze

Job 31:32

Sal gel tinoku ebè gónóu yó kem tau milo lemwót bè benwu mayuk, là kô naw e htungô kul bè lan.

Kun Snulat Luk 9:4

Yó se gónô gónón wen hmódó kuy, yó se gónó ye mefet efet kól bè kulék ye gu bè yóm benwu yó.

Mark 6:10

Yó se gónô gónón wen hmódó kuy, yó se gónó ye mefet efet kól bè kulék ye.

Kul Nmò 16:15

Bè yóm deng kehtahuhen, ominen hbabtays, gomong se yó kem fes lówóhen. Kogol yóm kehbabtaysen, tinoken mi ebè gónóen, ne monen mò kum, “Deng tngón ye se yóm dou kehtahu bè Jisas. Yake na ye nô bélê me bè ni.” Ne tahu se, nimón me.

Kun Snulat Luk 19:7

Bè yóm kton kem tau du nim ni, deng mom gotu senlón le, mon le, “Moen tau ni ke deng mom mauy bè gónô yóm tau gemsalà?”

Matyu 10:10

Bê ye se abay mit bag, ne olon sotu kgal lesek ye, bê ye abay mit mò gewuhen. Bê ye mit tlumfà, duhen ke tuged. Abay se knóón bè yó kem tau mò nmò ke tódô benlay yó kem tau gónó le mò nmò ke wen gónó le élél.

Matyu 10:12

Ke motun ye bè yóm gónô, yó mon ye mò yó kem tau nô lemen, ‘Dwata he henek nawa ye.’