Matyu 10:10 - Udél Dwata: Gna Kesfasad ne Lomi Kesfasad

¹⁰ Bê ye se abay mit bag, ne olon sotu kgal lesek ye, bê ye abay mit mò gewuhen. Bê ye mit tlumfà, duhen ke tuged. Abay se knóón bè yó kem tau mò nmò ke tódô benlay yó kem tau gónó le mò nmò ke wen gónó le élél.

Matyu 10:10 Referans Kwoze

Kun Snulat Luk 3:11

Ne yó mon Jan mò kul, “Yóm tau lewu kun kgal, blayen yóm sotuhen bè yóm tau laen dù kun. Ke wen ken yóm sotu tau, hyu ke benlayen yóm laen dù kun.”

1 Samwél 9:7

Omin Sol mon du bè yóm tóbóng lówóhen yó, “Ke mógów te ebéléen, tedu se tô blay te du? Balù sem ken te, deng gotu ne laen dù mò nwit te ebéléen yóm tau Dwata yó. Tedu se tô nwit te ebéléen du?”

2 Timuti 4:13

Soki mógów edini, hol nitem dou yóm kgal mfólu. Tehe tebelu dyó bè Truas, bè gónô le Karpus. Ne homong nitem dou yó kem boku, ne hol néen yó kem dumu sulat.

1 Samwél 17:40

Ominen lemwót, nwiten yóm tugeden gel semgyok ubiha. Kól bè yóm él mlel, tódô mulut limu botu mló ne suen lem yóm sning kulit gel nwiten ne kulóngen yóm hasuten, ominen mifal etu bè Gulayat.

Matyu 10:11

Ke sut ye bè yóm benwu bong duhen ke bè yóm benwu udì,” mon Jisas, “hol hnebel ye yóm tau móyô hmódó kuy. Béléen gónó ye mefet efet kól bè kulék ye.

Mark 6:8

Ne wen hlauhen kul, monen, “Bè nim kógów ye ni, olo ye mit tuged, béen abay wen dumu nwit ye. Bê ye abay mit bnotu, duhen ke bag, duhen ke filak.

Kun Snulat Luk 9:3

Yó hlauhen kul, monen, “Béen abay wen nwit ye bè yóm kógów ye ni, balù tuged duhen ke bag duhen ke bnotu duhen ke filak. Balù kgal ye, bê ye abay hlewu nwit ye.