Matyu 1:23 - Udél Dwata: Gna Kesfasad ne Lomi Kesfasad

²³ “Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Matyu 1:23 Referans Kwoze

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

2 Timuti 4:22

Yó hem gónó tekuy mogot hol nô béléem. Dwata he hol tmóbóng kuy.

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

2 Kurin 5:19

Yó gel tulón me, duhen yóm deng kehlan Dwata du bè Krays yóm lan nmoen ebè kdéen tau mò lan le mit sefyu ebéléen. Là bud snolò Dwata du bélê le ne yó kem tehe salà le. Ne bélê me kum, deng sigangen ta me nim tulón ni mò gónó le temngón du yóm lan le mit sefyu ebéléen.

Kul Nmò 18:9

Sotu kifu bè yó, tódô hegfan bè Pol Jisas ne mudél ebéléen, monen mò du, “Béi abay hlikò, Pol. Hol henlelem tmolok bè ni, béi abay htakasem.

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Matyu 1:24

Timbow mukat Jusif bè yóm ktungóen yó, tódô nimónen yóm deng monen mò du yóm hógów Dwata, ne tódô nan e nangay Midi, nwiten ebè gónóen.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Kun Snulat Luk 20:44

Yóm Misaya myón bè kwanan Dwata yó,” mon Jisas, “yó taba Dabid du ‘Gónóhu mogot.’ Na, tedu de mom du yóm bud kmò kbalingen semfu gu bè Dabid?”