Matyu 1:22 - Udél Dwata: Gna Kesfasad ne Lomi Kesfasad

²² Bè ni kem ni, deng tódô tahu edu yóm tehe tulón Dwata hlanen bè yóm sotu tehe gna tugoden, yóm monen,

Matyu 1:22 Referans Kwoze

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

Matyu 2:23

Tahu se, ne bè yó gónó le nô bè yóm sotu benwu udì boluyen Nasarit. Ni se deng gónón dohò yóm tehe mon yó kem tehe gna tugod Dwata ekni, yóm mon le, “Angat boluy le du tau lemwót bè Nasarit.”

1 Bok Kem Tau Hol Geta 8:15

“Hol dóyón tekuy Dwata, yóm kum Dwata kem tau Israél. Deng dnohoen yóm tehe fasaden ke mau Dabid bè yóm tehe kmonen du mò du,

Kul Nmò 3:18

Okóm bè yóm keglayam Jisas yó, yó se yóm deng tehe eles htugod Dwata bè kdê yó kem tehe tugoden ekni, yóm mon le, ‘Nan glayam he yóm Misaya.’

1 Bok Kem Tau Hol Geta 8:24

Deng dnohoem yóm tehe fasadem ke mau Dabid. Ne ni kemdaw ni, deng gotu dohò ne kdê yó kem tehe monem.

Kun Snulat Jan 18:9

(Yóm udél Jisas yó koni gónón dohò yóm tehe udélen ebè Maen, yóm kmonen du, “Laen kô dù lana bélê le, Mà, yó kem tau blayem dou, balù sotu.”)

Matyu 13:35

Ni se deng gónón dohò yóm udél yóm sotu tau tugod Dwata ekni, yóm monen, “Angat gel hningónu yó kem gel tulónu kul. Angat tulónu kul yó kem tehe là deng tngón le du lemwót bè hol kbut benwu.”

Isra 1:1

Bè yóm hol tanay halay kogot Sirus yóm tau hol geta bè Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hefedemen ke Sirus anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó snulaten, monen,

Kun Snulat Jan 17:12

Yóm klawihu nô lem blóng le, tey tendo keklungu kul lemwót bè yóm kóm boluy alì mfasang, yóm boluy tehe blayem do. Deng gel nofinu lu, ne laen kô dù lana bélê le, tek sotu hebkas bélê le, són yóm tau deng tehe eles golu elem tafak. Yó se deng gónón dohò yóm tehe hsulatem ekni.

Kun Snulat Jan 15:25

Ni se deng kdohoen yóm tehe monen bè sulat Dwata, yóm monen, ‘Tódô knutó nawa le ou là duón.’”

Kun Snulat Jan 10:35

Na,” mon Jisas, “hónô tngón tekuy yóm deng tehe hsulat Dwata, là kô gbek tekuy bud temles du. Ke deng bnoluy Dwata lu dwata yó kem tau tehe hogoten udélen,

Matyu 13:21

Okóm là kóen dmolil, tek likót le tô hemtahu. Timbow wen gfà le duhen ke wen hlayam sut bélê le lemwót bè yóm tô kehtahu le, tódô kendel gkogol le yóm tô kehtahu le yó.

Matyu 12:17

Bè nim nmò Jisas ni, deng gónón dohò yóm tehe udél Dwata deng tulón yóm sotu tugod Dwata ekni boluyen Isaya, yóm monen,

Matyu 2:15

Ngang le nô bè yó efet matay Hirod. Ni se deng kdohoen yóm tehe mon Dwata bè Sulaten, hlanen bè yóm sotu tehe gna tugoden ekni, yóm monen, “Tnabahu yóm Ngau anì mulék gu bè Idyip.”

Matyu 8:17

Nim nmoen ni, deng gónóhen dohò yóm tehe udél Isaya, yóm sotu tehe gna tugod Dwata ekni, yóm monen, “Balù kihu des tekuy, gotu kóhen.”

Matyu 5:17

Bud mon Jisas, “Bê ye tô hendem ke yó hendufu edini naw e kó yó kem tehe hlau Musis ne yó kem tehe gel tolok yó kem gna tugod Dwata. Là kô yó du. Là kô kóhu kul. Nim nógówu edini ni, naw e dnohò yó kem deng tehe eles tolok le yó.

Kun Snulat Luk 21:22

Abay se yó yóm kdaw ktafak Dwata yó kem tau, ne gotu dohò eta le yó kem tehe deng eles tulón Dwata bè Sulaten.

Deng Hegfan 17:17

Yó gónó le mò du yóm yó, abay se monem tódô nmò le yóm deng kun kehlan du bélê le Dwata. Angat tódô sensotu Dwata kehedem le anì tódô gotu blay le bè yóm lóbô yó yóm glal le mogot benwu. Ni se angat gónóhen e dohò yóm deng tehe kun olu du Dwata.

Sulat Pol Ebè Yó Kem Tau Hemtahu Bè Rom 1:2

Deng tehe eles fasad Dwata snéen ekni nim Tulón Hyu ni hlanen bè yó kem tehe gna tugoden, hol lómón yóm deng snulat le bè Sulat Dwata.