Matyu 1:21 - Udél Dwata: Gna Kesfasad ne Lomi Kesfasad

²¹ Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Matyu 1:21 Referans Kwoze

Kul Nmò 13:23

Ne bè Dabid se gónóhen gu semfu Jisas, yóm tau tehe fasad Dwata yó kem tau Israél mò gónó tekuy gewà gu lem salà.

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

Kun Snulat Luk 2:21

Timbow deng sotu fedyanen sut yóm ngà yó, omin le htulì du. Yó boluy le du Jisas, yóm boluy tehe tulón yóm hógów Dwata gu bè longit hnikót là deng bnolu yéen du he.

Kul Nmò 5:31

Okóm ke Dwata kun, tey kehegetahen du, hyónen fi bè kwananen. Ne du deng nmò Dwata mò gónó tekuy galak, ne mò gónó tekuy gewà gu lem hatay. Ne hlan Dwata béléen snéen yóm kehlifóten salà tekuy kem tau Israél ke hegsel te.

Kun Snulat Luk 1:31

Angat wen bnututem, ne mngai logi, ne boluyem du Jisas.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Kun Snulat Luk 2:11

Deng sut kifu ni bè benwu yóm tehe Dabid yóm tau angat lemwà kuy gu lem hatay. Du se Krays, yóm gónó ye mogot.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Kul Nmò 3:26

Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.”

Deng Hegfan 7:14

Monu se, “Là, Sér, là kô tngónu du. Tulónem dou dé.” Ne monen se mò dou, “Lu se yó kem tau deng mlan lemen yóm tey hlayam bong te tonok, okóm là kô gtebel le du yóm klolò le ke Jisas. Deng nolob le ne yóm nes le bè kun litô yóm Ngà Ubiha, ne deng baling bukay ne.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Tekang Kbuten 18:10

Sotu bélê le mudél, monen mò ke Abraham, “Bè halay hulihen he, bud kesfuléku edini ne deng mngà logi yóm yehenem Sara.” Okóm ke Sara kun, nô tekwang yóm tau mudél yó seblà bè bak dól le, hnilungen yóm kestulón le.

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 17:21

Okóm bè yóm ngaem Isak, yóm ngà angat sut gu bè Sara halay hulin, béléen gónóhu hlan du yóm fasadu.”

Kmukum 13:3

Sotu kdaw wen hógów Dwata gu bè longit sut bè yóm libun yó ne monen mò du, “Balù yóm katilem, okóm angati mlutut ne mngai logi.

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”

Matyu 1:25

Okóm song sentungóen, deng sut yóm ngaen logi. Ne yó boluy Jusif du Jisas.

Kun Snulat Jan 4:42

Ne mon le mò yóm libun yó, mon le, “Là kô són du bè yóm kóm tulón kum gónó me hemtahu, okóm ni deng na me bud gungol se kum, ne tngón me du se yóm lemwà kem tau lem salà le.”