Matyu 1:20 - Udél Dwata: Gna Kesfasad ne Lomi Kesfasad

²⁰ Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Matyu 1:20 Referans Kwoze

Kun Snulat Luk 1:19

Ne bud mudél ebéléen yóm hógów Dwata, monen, “Ou se Gabrél. Gele mdà bè solu Dwata ne du yóm hógów do mò na a tmulón du kóm nim Tulón Hyu ni.

Matyu 1:18

Ni se mò kewóten yóm tehe ksut Jisas Krays. Yóm yéen Midi, deng leninti yóm sotu sawang logi boluyen Jusif. Okóm yóm gu laan le là deng sgefet, tódô mlutut Midi mlan bè Tulus Dwata.

Matyu 2:19

Timbow deng matay Hirod, wen bud hógów Dwata gu bè longit na a hegfan bè kna Jusif ditu bè Idyip, monen mò du,

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

Kun Snulat Luk 2:4

Yó gónó Jusif mógów se kun lemwót bè Nasarit, yóm sotu benwu lemnek snakuf prubinsya Galili, subô le ebè Bitlihim, yóm sotu benwu snakuf prubinsya Judiya. Nim Bitlihim ni, tehe kun benwu Dabid, yóm sotu tau tehe geta bélê le. Yó gónó Jusif mógów ebè yó, abay se semfu gu bè tehe Dabid se kun.

Matyu 28:5

Ne mudél yóm hógów Dwata ebè yó kem libun, monen, “Bê ye abay hlikò. Tngónu hnebel ye Jisas, yóm lomi tnutuk le bè kros.

Isaya 26:3

Uu se, Dwata, bemlay du yóm tahu kenek nawa bè yó kem tau hol nô bè nawa le mimón kóm, yó kem tau hol smalig béléem.

Kmukum 13:3

Sotu kdaw wen hógów Dwata gu bè longit sut bè yóm libun yó ne monen mò du, “Balù yóm katilem, okóm angati mlutut ne mngai logi.

Tekang Kbuten 31:11

Bè yóm knahu yó, wen hógów Dwata gu bè longit mudél ebéléu, monen, ‘Ó Jakub.’ Monu se, ‘Hó. Ni ou.’

Matyu 2:22

Timbow gungol Jusif, yóm ngà Hirod boluyen Arkilus tles mogot bè prubinsya Judiya, yó gónó Jusif likò bud nô bè yó. Bud hekna Dwata ke Jusif anì hlós ebè prubinsya Galili.

Kem Lingón 143:8

Hol hfungolem do hlafus yóm là konolen yóm kbong nawam do, yakà són uu genléd nawaw. Tolokem do yóm nóyô hlanem do, yakà són uu du gónóhu mni.

Kem Lingón 119:125

Benlayem ou khulung milô, yóm tau tóbóng lówóhem, anì getnefu yó kem hloloem.

Kem Lingón 94:19

Ke wen gónón alì sidek kegnómu du, gel henyuhem nawaw, ne yó se gel bemlay dou kligal.

Matyu 2:13

Yóm kogol le mulék yó kem tau hulung hménég blotik yó, wen bud hógów Dwata gu bè longit bud hegfan bè kna Jusif, monen mò du, “Ó Jusif, btiki ne, géhél nwitem yóm ngà lewu le yéen etu bè Idyip. Tódô ye na nô ditu efet kól bè yóm bud khuléku kuy edini, yakà angat hfebel Hirod du yóm ngà anì hfatayen.”

Jirimaya 33:26

Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

Kem Udél Hlalak Tehe Selumun 12:5

Yó kem atul yó kem tau tedeng kmò le hono tedeng, okóm yó kem tau gel mò sidek yóm kul udél hlalak hono sukat.

1 Bok Kem Tau Hol Geta 17:13

Okóm yó mon Ilaydya mò du, “Béem htafa nawam. Lemwóti ne, tnógóhem yóm dù ngà kenem yó. Okóm nahi na gna tmógó dou udì mambang, ne nitem dini. Ominem yó mò yóm kuy ken.

Jirimaya 40:9

Yó tulón Gidalaya kul, hyu ke heglaan le bè yóm tau hol geta kmamal bè Babilun, monen mò kul, “Henek ye bè ni ne nimón ye yóm tau hol geta bè Babilun anì hyu kógów klowil ye.

Jirimaya 31:22

Kegenen de yóm ktabag ye kem ngau là mimón? Okóm wen yóm lomi angat nmou bélê ye kem tau Israél. Yó nmou, henbalingu yu yó kem tau wen óyô le bud mulék ebè yóm kul Dwata.”

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Isaya 7:2

Bè yóm tehe kgefeten bè Ahas yóm tau hol geta mogot yóm benwu Juda, yóm deng kkól le bè benwu Israél yó kem tey sendalù wen lemwót bè Sirya yó, ya tey sidek klikoen dalang se yó kem tauhen, tódô setbol kkel le.

Isaya 7:13

Bè yóm kungol Isaya du yóm mon Ahas yó, yó udélen, “Yu kem tau semfu gu bè yóm tehe Dabid, hol hnungol ye dé yóm balau du yóm mon Ahas yó. Ó Ahas, deng tey sidek kehtakasem kul yó kem tauhem, okóm milud he ksideken yóm nmoem yó abay se Dwata yóm htakasem.

1 Bok Kem Tau Hol Geta 3:5

Bè yó bè Gibyun bè yóm kifu yó, hegfan bè Selumun Dwata, bede hlanen bè knahen, ne snólók Dwata, “Tedu de nóyóem? Mnihi béléu, ne blayu kóm?”

Matyu 2:12

Bè yóm kulék le, tólóng ne lan lolò le, abay se bud wen hekna Dwata kul anì là bud le mlan bè Hirod sok le mulék.

Matyu 27:19

Yóm igò Paylét tolo myón bè yóm gónón myón kmukum, wen sulat hwit yehenen ebéléen, monen, “Hol béi abay gbót hemsidek du kóm yóm tau laen dù salaen yó. Tey sidek kegnómu du ebuteng lemwót bè yóm keknahu du.”

Kul Nmò 5:19

Okóm bè yóm kifu yó, wen hógów Dwata gu bè longit sut bélê le bè yó lem blanggù, ne tódô lenungkaen bélê le yóm tikeb blanggù, ne niten lu hewà. Mon yóm hógów Dwata mò kul,

Deng Hegfan 19:7

Hol tekuy hligal dé, hol dóyón tekuy yóm tey kegetahen, yakà dengen hto ne yóm buteng kmò le ken bè lówó yóm Ngà Ubiha, ne deng eles hetifes ne yóm libun angat yehenen.