Matyu 1:19 - Udél Dwata: Gna Kesfasad ne Lomi Kesfasad

¹⁹ Nim Jusif deng leminti ke Midi ni, tau tedeng kloloen yó kem hlau Dwata, okóm bè nim kwen bnutut Midi ni, là móyóen ke wen gónó Midi myak bè gónón wen. Yó gónón tódô tô lemifut mit du skó bè yóm deng klintihen du.

Matyu 1:19 Referans Kwoze

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Mark 6:20

Abay se ke Hirod, wen klikoen ke Jan. Tódô tngónen tau tedeng kmoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sbeweg kehedemen bè yóm gel khungolen du.

Tekang Kbuten 38:24

Timbow deng tlu bulónen bè yó, wen tmulón du ke Juda deng mlutut Tamar yóm towuhen, ngaen bè kehdóyónen. Hetê Juda, monen, “Nwit ye hewà, ntem ye.”

Mark 10:4

Mon le se, “Là sideken bè hlau Musis ke skó, syan ke wen sulat gónón fema yóm logi mò ilô yóm deng kkóhen du.”

Hlolò 19:20

Ke wen libun hesek deng leninti yóm sotu logi, okóm yóm logi deng leminti du yó, là nan gna nsok du lem yóm kegheseken ne ke wen dumu logi smamuk du, wen tafak le bede là hatay du abay se hanà tolo ghesek he yóm libun yó.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Kul Nmò 10:22

Mon le se, “Hógów Kfitan Kurnilyus mi edini. Tey hyu kmoen yóm kfitan tu, tau hemtahu bè Dwata, ne tey kadat le du kdê yó kem Ju. Deng wen hógów Dwata gu bè longit sut béléen, hfangayen uu ne anì gungolen yóm tulón gel nwitem.”

Kul Nmò 27:39

Timbow deng mwas bè yó, mton le benwu ne yó kem tau mit kafal, okóm là dilô le du. Ton le wen lusuken, ne tey hyu helek bè kililen. Ne yó hendem yó kem tau mit kafal ke tódô bè yó bè yóm lusuken yó gónó le tmilów htengen du yóm kafal.

2 Kurin 1:15

Bè kegnómu du, tolo wen kligal ye béléu. Yó gónóhu na gna tô slob bélê ye bè yóm kógówu ebè prubinsya Masdunya, ne bude tô slob bélê ye bè yóm kkólu gu ditu anì lewu duléku tmóbóng kuy. Ne sotuhen, anì yu fen hewót dou bè yóm kógówu ebè prubinsya Judiya.