Matyu 1:16 - Udél Dwata: Gna Kesfasad ne Lomi Kesfasad

¹⁶ Mngà Jakub, duhen Jusif. Du se yóm tehe myehen ke Midi, Yê Jisas. Jisas se yóm bnoluy le Misaya, yóm deng nélék Dwata mò kmamal yóm klamangen.

Matyu 1:16 Referans Kwoze

Matyu 27:17

Timbow le deng gotu stifun ebè yó yóm tey tau wen, snólók Paylét lu, monen, “Tau du de kuy nóyô mò hewau bélê ye, Jisas Barabas duhen ke Jisas yóm Misaya?”

Kun Snulat Jan 4:25

Ne yó bud monen mò ke Jisas yóm libun yó, monen, “Tngónu angat sut yóm Misaya. Sok sut, angat gotu tulónen tekuy yóm kdéen.”

Kun Snulat Luk 3:23

Deng tlu folò ne halay Jisas yóm kbuten mò du yóm nmoen. Bè kul khedem du yó kem tau, Jusif yóm hol kun mà. Yóm Jusif, ngà Hili.

Matyu 27:22

Ne mon Paylét, “Tedu se tô kmou ke Jisas du, yóm bnoluy le Misaya?” Deng mom yó balà le du, mon le, “Htutukem bè kros kun yó du.”

Kun Snulat Luk 4:22

Tódô kdê le gotu beyen hmungol du. Tey keseftaw le du yóm klinggel yó kem udél gel btang gu bè sumóngen, mon le, “Igò sem ni du yóm ngà Jusif.”

Kun Snulat Luk 2:48

Tikóng ton yó kem tuhahen, tey ketnga le du yóm keseyónen bélê le bè yó. Mudél ebéléen yéen, monen, “Ó Sól, moen ke ni nmoem bélê me? Tey klóngón me mebel kóm maem.”

Kun Snulat Luk 2:7

Logi yóm ngaen, hol tebà lówóhen. Wen nes bausen du, ne heflililen ta yóm gónó le gel hemsù ken kudà, abay se là bud wen gónó le nô lem yóm gónô gónó le gel mefet tungô yó kem tau mógów.

Kun Snulat Luk 1:27

Wen na a htulón Dwata du bè yóm sotu sawang libun bè yó boluyen Midi. Nim Midi ni, deng leninti yóm sotu logi boluyen Jusif, ne són kesgefet le ne duen. Nim Jusif ni, tau semfu gu bè yóm tehe tau hol geta bélê le boluyen Dabid.

Mark 6:3

Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bè ni.” Yó se gónó le kembê du.

Matyu 2:13

Yóm kogol le mulék yó kem tau hulung hménég blotik yó, wen bud hógów Dwata gu bè longit bud hegfan bè kna Jusif, monen mò du, “Ó Jusif, btiki ne, géhél nwitem yóm ngà lewu le yéen etu bè Idyip. Tódô ye na nô ditu efet kól bè yóm bud khuléku kuy edini, yakà angat hfebel Hirod du yóm ngà anì hfatayen.”

Matyu 1:15

Mngà ke Élyasar, duhen Matan. Mngà Matan, duhen Jakub.

Matyu 16:16

Fen bnalà Simun Pitér, monen, “Uu se yóm Misaya, yóm Ngà yóm Dwata laen kô dù tul katayen.”

Matyu 16:20

Tey mget ktulón Jisas du yó kem gel lemolò du anì là tulón le du bè dumu tau ke du yóm Misaya.