Matyu 1:11 - Udél Dwata: Gna Kesfasad ne Lomi Kesfasad

¹¹ Mngà Jusiya, duhen Jékunaya ne wen kem twolihen. Umahu kóm bè yóm kul kdaw yó, yó se yóm gotu kegef le kul ebè Babilun yó kem tau Israél.

Matyu 1:11 Referans Kwoze

Danyél 1:2

Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

Jirimaya 39:9

Lemwót Nibusaradan yóm kmandér bè yó kem sendalù, gotu negefen lu ebè Babilun yó kem tau dù tebel lem yóm syudad yó, gomong yó kem tau deng gfi béléen.

2 Tutul Israél 36:20

Lemwót yó kem dù mowil, gotu negefen lu ebè benwuhen bè Babilun. Henbalingen lu mò heseken ne mò hesek yó kem ngaen. Ngang le ghesek efet sut yóm tau hol geta boluyen Sirus lemwót bè benwu Pérsya tles bud mogot yóm benwu Babilun.

2 Tutul Israél 36:10

Bè hanà kbut yóm halay tmodol, hfangay Nibukadnisar Jihuyakin ne nwit le ebè Babilun. Bè yóm kdaw yó, tey dê kimu legen alì mebtes nô lem Gónô Dwata negef le ebè Babilun. Omin Nibukadnisar mélék ke Sidikaya yóm mà dì Jihuyakin, mò tles tau hol geta bè Juda ne bè Jirusalim.

2 Bok Kem Tau Hol Geta 25:11

Gotu negef Nibusaradan lu yóm kdéen tau dù tebel lem yóm syudad yó, gomong yó kem tau deng gfi bè yóm tau hol geta bè Babilun.

2 Bok Kem Tau Hol Geta 23:31

Yóm kogot Jihuhas benwu deng lewu folò tlu ne halayen, ne tek tlu bulónen kmamal bè Juda, ne bè Jirusalim gónón nô. Yó boluy yéen, Hamutal ngà yóm Jirimaya lemwót bè Libna.

2 Bok Kem Tau Hol Geta 24:14

Botong sfolò libu tau negef Nibukadnisar gu bè Jirusalim. Kdê kem ngà tau hol geta, ne yó kem sendalù alì hulung sfatay, kem tau wen kenhulung tdok le bè koyu, ne kem tau msól gotu negefen. Tek són tebel bè Jirusalim, són yó kem tau alì élél.

Matyu 1:12

Yóm deng kkól le ditu bè Babilun yó kem tau yó koni, mngà Jékunaya, duhen Syaltil. Mngà Syaltil, duhen Sirubabél.

Matyu 1:17

Duhen yó, sfolò fat duléken mugod lemwót bè Abraham efet kól bè Dabid. Ne bud sfolò fat duléken se mugod lemwót bè Dabid efet kól bè yóm kegef le kul ebè Babilun yóm kdê kem tau Israél. Bud sfolò fat duléken se mugod lemwót bè yóm kegef le kul ebè Babilun efet kól bè yóm ksut Jisas Krays, yóm Misaya.