Mark 9:9 - Udél Dwata: Gna Kesfasad ne Lomi Kesfasad

⁹ Kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni efet nan mowil he yóm Ngà Tau.”

Mark 9:9 Referans Kwoze

Mark 5:43

Bede tey mget kmon Jisas du mò kul, “Hol bê ye abay tulón yóm deng nmou bélê ye ni.” Ne bud monen mò kul, “Henken ye dé.”

Matyu 12:40

Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Kun Snulat Luk 24:46

yó monen mò kul, “Yó tehe snulat le, mon le, ‘Nan na glayam yóm Misaya, bede angat bud mowil bè getluhen kdaw.

Matyu 27:63

Mon le mò du, “Ó Sér, gtulón bè nawa me yóm tehe monen tum tau mò kéng tu yóm kegenen tolo mowil, ‘Bè getluhen kdaw, bud hlowil Dwata ou.’

Matyu 16:21

Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”

Matyu 12:19

Là kô yó du gungol ye béléen ke mit sgés bè kem dumu tau, duhen ke gel hetê. Ne là kô gungol ye du htétél bè gónón wen.

Matyu 8:4

Mon Jisas mò du, “Hol béem abay tulón yóm deng nmou béléem ni. Tódói hekteng mógów ebè tum tau gel demsù ebè Dwata, nam e hetngel du lówóhem. Elesi se mit mò dsuem anì nmoem yóm sotu hlau Musis ekni mò gónó le milô du kem dumu tau yóm deng kkó yóm desem.”

Mark 7:36

Ne mon Jisas bè yó kem tau bè yó, “Bê ye abay tulón bè kem dumu tau nim ni.” Okóm là kóen skas yóm ktulón le du.

Mark 9:8

Omin le tódô kendel hból ketngel le, okóm laen kô dumu ton le tek són Jisas.

Mark 9:10

Tahu se, là kô tulón le du. Okóm gel sentulón le sónen lu lan yóm mon Jisas mowil.

Kun Snulat Luk 9:36

Tikóng teflok yóm udélen yó, tek són Jisas dù ton le mdà bè yó. Bè yóm kmoen yó, laen kô dù tau gónó le tmulón du yóm deng ton le yó.