Mark 9:7 - Udél Dwata: Gna Kesfasad ne Lomi Kesfasad

⁷ Yóm igò Pitér tolo mudél, tódô sut se yóm tey lobun lememek eta le, gnolungen lu, ne tódô gungol le se yóm mudél gu lemen, monen, “Ni se yóm hol dou Ngà gónón nô nawahu. Hol gel hnungol ye.”

Mark 9:7 Referans Kwoze

2 Pitér 1:17

Tehe me nô béléen bè yó bè yóm tehe kdóyón Dwata du, yóm Maen, ne yóm tey kehegetahen du. Tódô gungol me udél Dwata, yóm hol geta bè kdéen. Yó monen, “Ni se Ngau hol gónóhen nô nawahu. Bong hyu nawahu du.”

Matyu 3:17

Ne ominen wen mudél gu bè longit, monen, “Ni se hol dou Ngà tendo gónón nô nawahu. Tey kligalu béléen.”

Mark 1:11

Ne sen-geng yóm udél gu bè longit, monen, “Uu se yóm hol dou Ngà tendo gónón nô nawahu. Tey kligalu béléem.”

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

Kun Snulat Jan 20:31

Ni gónóhu smulat du ni kem ni anì hentahu ye se kuy yóm Jisas, du se yóm Misaya, yóm hol Ngà Dwata. Lemwót bè yóm kehtahu ye du, yó se gónó ye gmuta yóm klowil laen dù sónen.

Kun Snulat Jan 6:69

Deng me hemtahu béléem se kum. Tódô tngón me uu se yóm laen dù belenen lemwót gu bè Dwata.”

Kun Snulat Jan 1:34

Ne tahu se,” mon Jan, “deng tonu. Tódô tulónu kuy, deng duhen Jisas se yóm hol Ngà Dwata.”

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Sulat Pol Ebè Yó Kem Tau Hemtahu Bè Rom 1:4

Bud tulónen snéen yóm hol tahu keDwatahen. Yó gónó Dwata hegfan du yóm kngaen du, duhen yóm bud kehlowilen du bè yóm tehe katayen, hlanen bè yóm tey kegbeken.

Kul Nmò 8:36

Ngang le mógów efet le kól bè yóm gónón wen él, ne mon yóm tau genlal yó mò ke Filip, “Ni wen él, hyu kô ke hbabtayse kóm?”

Kul Nmò 7:37

Ni se yóm Musis tehe mon du mò yó kem tau Israél, ‘Angat wen bud hógów Dwata elem blóng ye lómón yóm khógówen do ni mò tmugod du ebélê ye yóm udélen. Yóm tau hógówen yó, tódô lemwót bè yóm sana kuy kwen.’Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kul Nmò 1:9

Timbow deng kudél Jisas, ominen tódô ganag haway etta efet tódô lana lem mata le elem tum lobun.

Kun Snulat Jan 19:7

Bnalà yó kem tau, mon le, “Wen hlau bélê me deng nuléhen nim tau ni, bè yó se gónón matay. Abay se deng bnoluyen knóen Ngà Dwata.”

Kun Snulat Jan 9:35

Timbow gungol Jisas yóm là bud kehmung le du bè yóm kul gónô gel stifun yóm tau tehe butô yó, ominen mebel du. Timbow tonen, monen mò du, “Hentahuhem kô kóm yóm Ngà Tau?”

Kun Snulat Jan 5:37

Ne yó bud sotu gemtanud dou, duhen Mà, yóm deng hógów do. Là kô deng gungol ye du udélen, duhen ke deng ton ye lem uyóhen,

Kun Snulat Jan 5:18

Lemwót bè yóm udél Jisas yó gónón temnù yóm kóló le hmatay du. Là són du bè yóm kegsalaen bè Kdaw Kehegnô duón le du, okóm yó hol duón le du, bè yóm kmonen du Dwata yóm Maen. Bè yóm kmon Jisas du yóm yó, deng hsengeden ne knóen bè Dwata.

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Matyu 27:43

Gel smalig bè Dwata kun, ne du kun yóm Ngà Dwata. Nénég ke móyô Dwata lemwà du.”

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Kem Lingón 97:2

Wen tey lobun ne kifu mget hmilol du. Yóm ktedengen ne yóm kukum tedeng nwiten yóm hembegel yóm kogoten tau.

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Kehewà 40:34

Ominen lememek eta yóm Gónô Dwata yó yóm lobun tmahà gel tukô gna kul ne tódô tfeng lem yóm Gónô Dwata yóm tey layag Dwata alì sminang.

Kehewà 24:16

Mnaul elaan ta tfusù yóm bulul yó yóm tey layag Dwata tódô sminang. Bè kton yó kem tau Israél du yóm layag yó lómón kmoen lómón yóm ofi lemtom nô ta tfusù bulul. Botong nem kdawen tendo lemobun ta yóm bulul yó ne bè yóm ghituhen kdaw tnaba Dwata Musis gu lem yóm lobun yó.

Mark 9:6

Okóm tódô kem óyô Pitér mon du yóm monen yó, bà mon yóm tey sidek klikò le.

Mark 9:8

Omin le tódô kendel hból ketngel le, okóm laen kô dumu ton le tek són Jisas.

Kun Snulat Luk 3:22

ne tódô htuntun etahen gu tta bè longit yóm Tulus Dwata, hol lómón kmoen obun. Ominen wen se mudél gu bè longit, monen, “Uu se yóm hol dou Ngà tendo gónóhen nô nawahu. Tey kligalu béléem.”

Kun Snulat Jan 12:28

Okóm ni dii mom monu, ‘Ó Mà, kóyóu ke holi megdóyón béléu.’ Ne tódô wen se mudél gu bè longit, monen, ‘Denge megdóyón béléem ne, ne angate bud megdóyón béléem he.’ ”