Mark 9:50 - Udél Dwata: Gna Kesfasad ne Lomi Kesfasad

⁵⁰ Tey hyu yóm kahì. Okóm ke deng mkó yóm nómen, laen kô bud lanem hulék du edu. Senged se bélê ye,” mon Jisas, “hol ten-gama ye anì là mkóhen yóm nóm yóm kuy kahì, duhen yóm kessadat ye ne yóm kessotu nawa ye.”

Mark 9:50 Referans Kwoze

Kulasi 4:6

Hol gel hninggel ye kmò kestulón ye bélê le anì wen gónó le beyen hmungol kuy. Hol tekuy hfulung malà kul ke wen snólók le.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

Matyu 5:13

Bud mon Jisas, “Yu kem tau lemolò do, hol lómón ke yu yóm kahì bè yó kem tau. Bede yóm kahì kesok deng mkó yóm khééten, là kô wen lanem bud hféét du ne. Laen kô bud muhen, tódô bot ne sensdà yó kem tau mógów.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Flipay 1:27

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

Job 6:6

Dalang se yóm tau, là kóen tmalaw ke wen kahien. Laen kô dù nómen yóm bukay bè ngà onuk ke là knahiem du.

1 Tisalunika 5:13

Hol nadat ye lu dé, ne hol hotu ye nawa ye kul lemwót bè yóm kmò le nmò lem blóng ye. Hol nmò ye yóm gónón menek nawa ye yóm kdê ye.

Ifisus 4:29

Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

Sulat Jim 1:20

Abay se ke deng ye lembut, là kô ne ye e gmò du ne yóm tedeng kun knóyô Dwata.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

Kulasi 3:12

Yu se yó kem tau Dwata, kem tau kenbong nawahen, kem tau deng néléken mò kun nfun. Duhen yó, hol dnalang ye yóm nawa skodu ne yóm nawa sbasa, ne yóm keheglaan ye bè kem dumu ye. Ne hol dnalang ye snéen yóm kganag nawa ne yóm khanay nawa.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Kem Lingón 34:14

Knogol ye yóm sidek, ne nmò ye yóm hyu. Hol tilów ye són gel ye mit kenek nawa bè kem dumu ye.

Mark 9:34

Okóm balù sekteb ke bnalà le Jisas, abay se yóm tendo senkuya le mulit lan ke mahi du bélê le yóm hol geta.

Kem Lingón 133:1

Tey minggel gemnóm du yóm kessotu nawa yó kem tau Dwata.

Mark 9:49

Yóm gel dsù le ebè Dwata,” mon Jisas, “sal gel wen kahì hmung le du mò hólós du kun. Lómón se yó ne yóm gel nmò Dwata bè yóm tau, sal gel wen yóm mgel sut béléen hol lómón ke ofi, mò lan Dwata hólós du.