Mark 9:5 - Udél Dwata: Gna Kesfasad ne Lomi Kesfasad

⁵ Mung tódô kudél Pitér se kun ebè Jisas, monen, “Tey hyu ni, Sér, deng me nô bè ni. Hemdà me tlu lowig dé, sotu kóm, sotu ke Musis, sotu se ke Ilaydya.”

Mark 9:5 Referans Kwoze

Flipay 1:23

Tey mgel béléu hemdem du. Móyóe ke mataye anì géhéle nô bè Krays, abay se tey bong hyu béléu yó.

Matyu 23:7

Dalang se ke mógów le ebè fedyan, kóyô le ke hol nadat tau lu ne ke tnaba le lu ‘Tau tmolok.’

Kem Lingón 84:10

Anien ke tek sendawu nô bè Gónóem, Dwata, bong hyu he yó senta ke lemibu kdawu nô bè lewà. Mom hyu nawahu ke ou fen mentey bè bak tikeb yóm Gónóem senta ke nóe lem kul gónô yó kem tau mò sidek.

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

Matyu 17:4

Mung tódô kudél Pitér ebè Jisas, monen, “Hyu ni, Sér, deng me nô bè ni. Ke móyói, hdae tlu lowig, sotu kóm, sotu ke Musis, sotu se ke Ilaydya.”

Matyu 23:8

Okóm kuy du,” mon Jisas, “hol bê ye abay móyô ke tnaba le yu ‘Tau tmolok.’ Kaem gotu ye setwoli yóm kdê ye, ne tek sotu yóm tmolok kuy.

Mark 9:4

Ne tódô hetnga ton le se tehe Ilaydya ne Musis, stulón le ke Jisas.

Mark 9:6

Okóm tódô kem óyô Pitér mon du yóm monen yó, bà mon yóm tey sidek klikò le.

Kun Snulat Luk 9:33

Timbow le skó ke Jisas yó kem lewu tau yó, hebkó mudél ebéléen Pitér, monen, “Tey hyu ni, Sér, deng me nô bè ni. Hdà me tlu lowig bè ni, sotu kóm, sotu ke Musis, ne sotu se ke Ilaydya.” Okóm là kô tngón Pitér du yóm monen yó.

Kun Snulat Jan 4:31

Bè yóm igoen tolo mógów yóm libun yó koni, tô henken le Jisas yó kem gel lemolò du, mon le, “Ó Sér, mkeni dé.”