Mark 9:35 - Udél Dwata: Gna Kesfasad ne Lomi Kesfasad

³⁵ Omin Jisas myón, senbungen yó kem sfolò lewu gel lemolò du, ne monen mò kul, “Ke wen bélê ye móyô ke du hol geta bè kem dumuhen, yake nan hol heglaan knóen ne hol heklifen bè kem dumuhen.”

Mark 9:35 Referans Kwoze

Kun Snulat Luk 22:26

Okóm kuy du,” mon Jisas, “sundu yó du yóm hyu bélê ye. Ke wen sotu bélê ye móyô ke du geta bè kem dumuhen, yake hol nô béléen yóm nawa yóm tau gel tóbóng lówó. Ke wen bélê ye móyô ke du hol lemyu bè kem dumuhen tau, yake hol nô béléen dé yóm nawa yóm tau gel heklifen anì hol heklifen bè kem dumuhen.

Matyu 23:11

Yóm tau hol geta bélê ye, yake yó dé kmoen lem blóng ye, lómón ke du yóm tau gel mò nmò bélê ye.

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Jirimaya 45:5

Yó kô hnebelem ke wen kegetahem? Béem nmò yóm yó. Okóm béem abay heblat nawam. Angat wen tey heglumfaku kul yóm kdéen tau bè nim benwu ni. Okóm kóm du, tendo kenlungu uu balù nô gónóm e solu, là kô wen tau hmatay kóm. Ou se Dwata nim mudél ni.” Là gomongen bè nili yóm tsaptér 46 kól bè tsaptér 51. Yó tulónen lemen yóm eles htugod Dwata ke Jirimaya gbak ebè yó kem hohon le. Eles tulón Jirimaya yó kem tau Israél yóm angat ktafak Dwata yó kem hohon le, duhen yó kem tau Idyip ne kem tau Flistin ne kem tau Muab ne kem tau Amunayt ne kem tau Idom ne kem tau bè Damaskus ne kem tau Kidar ne kem tau bè Ilam ne kem tau bè Babilun. Angat lus Dwata yó kem tau bè Babilun mò gemlà kul yó kem tau bnoluyen ni. Okóm kogolen bè yó Dwata fen gemlà kul yó kem tau Babilun. Kdê yó kem tau hohon Israél bnoluyen yó koni, wen se bélê le yóm là bud hen-gulék Dwata du, duhen yó kem tau Idom ne tau Flistin ne tau Damaskus ne tau Kidar ne tau Babilun. Lemwót bè yóm alì kehegmón le gónó Dwata là bud hemgulék kul.

Kem Udél Hlalak Tehe Selumun 13:10

Yóm kehegmón tau gónón gel mbut yóm kesbólów, okóm yóm tau hulung hedem gel móyô htolok.

Mark 9:36

Omin Jisas ma yóm sotu ngà, ne hdaen bè solu le, ne ominen hemgimak du, monen,