Mark 9:27 - Udél Dwata: Gna Kesfasad ne Lomi Kesfasad

²⁷ Okóm nogot Jisas sigel yóm ngà, ne hdaen. Tahu se, tódô hlós mdà.

Mark 9:27 Referans Kwoze

Kul Nmò 3:7

Omin Pitér mogot du bè sigel kwananen yóm tau kihod yó anì mdà. Tahu se, tódô sen-gengen se wen kgis gu lem tihen ne gu lem sokilen.

Mark 1:31

Omin Jisas mógów ebéléen, nogoten bè sigelen, ne bentiken. Tódô sen-gengen se mkó yóm kkinien, deng mom hlingas bud mò ken bélê le.

Kul Nmò 9:41

Nogot Pitér se bè sigelen ne niten mdà. Omin Pitér gotu tmaba yó kem libun bolu ne yó kem dumu tau hemtahu bè yó anì na le e hnénég yóm deng bud klowilen.

Mark 8:23

Tahu se. Omin Jisas malak yóm tau butô yó, niten hlayuk udì bè yóm benwu yó. Ne namuen iwol mata yóm tau butô, ne nnoken, ne monen mò du, “Deng wen tonem kô?”

Mark 5:41

Kól bè yó, nogoten sigel yóm ngà, ne monen mò du bè kul udél, “Talitha koum.” Yó lanen, “Ó Bun, btiki ne.”

Mark 1:41

Tey kkodu Jisas du yóm tau yó, tódô nan e nenok, monen, “Móyóe tmóbóng kóm. Hol mkó he yóm desem.”

Isaya 41:13

Ou se Dwata yóm kuy gónó mogot. Tendo gel ten-gelu yu. Ni hol udélu ebélê ye, ‘Hol bê ye abay hlikò. Ou se tendo tmóbóng kuy.’ ”

Matyu 9:25

Timbow gotu hefewaen yó kem tau, omin Jisas mógów elem dfél yóm ngà libun yó koni, ne nogoten sigelen, ne tódô kendel btik se yóm ngà.

Mark 9:26

Ne tódô lemangat yóm busaw, ya tey sidek tódô kehkengkelen yóm ngà, ne ominen yó tódô mdó. Bè yóm kton le du yóm ngà yó, hol lómón ke deng matay. Botong mon yó kem dumu tau, “Deng matay ne.”

Mark 9:28

Timbow le motun bè yóm gónô le Jisas, tek sónen lu nô bè yó, snólók yó kem gel lemolò du, mon le, “Moen de kum ke là gbek me hdó du yóm busaw malak du yóm ngà tu koni?”

Kul Nmò 23:19

Omin yóm kmandér malak bè sigel yóm ngà logi yó koni, lifut snólóken béléen, monen, “Tedu de yóm tô tulónem dou?”