Mark 9:26 - Udél Dwata: Gna Kesfasad ne Lomi Kesfasad

²⁶ Ne tódô lemangat yóm busaw, ya tey sidek tódô kehkengkelen yóm ngà, ne ominen yó tódô mdó. Bè yóm kton le du yóm ngà yó, hol lómón ke deng matay. Botong mon yó kem dumu tau, “Deng matay ne.”

Mark 9:26 Referans Kwoze

Mark 9:20

Tahu se, nwit le ebéléen. Timbow tonen Jisas yóm busaw gel malak du yóm ngà yó, tódô lugoden talak tonok yóm ngà nalaken, ne tódô hgilu bè yó yóm ngà, ne hono bulok gu lem baken.

Mark 1:26

Tahu se, tódô hningkil yóm tau yó, ya tey sidek klangaten, ne tódô mdó se yóm busaw malak du.

Deng Hegfan 12:12

Duhen yó, hol ye hligal dé yóm kdê ye nô bè longit. Okóm tey kodu ye kuy, yu kem tau nô te tonok, ne yu kem tau nô te mohin, abay se deng kól bélê ye Seitan ne tey sidek kebuten, abay se tódô tngónen se là kóen legen ne duen yóm kun kdaw.”

Mark 9:18

Sok gel gefet béléen yóm busaw malak du, tódô mugod, ne hono bulok gu lem baken, tódô senséhéken beengen, ne tódô htudel. Denge hkodu bè yó kem gel lemolò kóm, okóm là kô gbek le hdó du yóm busaw gel malak du.”

Kehewà 5:23

Lemwót bè yóm kógówu ebè Faro na a tmulón du yóm udélem, yó se but gónóhen alì hmayam kul. Ne là kô dog tnóbóngem kul.”

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Mark 9:27

Okóm nogot Jisas sigel yóm ngà, ne hdaen. Tahu se, tódô hlós mdà.