Biblia Todo Logo
Bib sou entènèt

- Piblisite -




Mark 9:25 - Udél Dwata: Gna Kesfasad ne Lomi Kesfasad

25 Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Gade chapit la Kopi




Mark 9:25
17 Referans Kwoze  

Hilu kdawen tendo gel semsulit du yóm monen yó efet tmakas Pol. Tódô beklil ebéléen, monen ebè yóm busaw malak du, “Lemwót bè kun boluy Jisas Krays, mdóhi béléen yóm ngà libun nalakem ni.” Tahu se, sen-gengen se tódô mdó béléen yóm busaw malak du.


Yóm igoen mógów ebè Jisas yóm ngà, tódô sut béléen yóm busaw gel malak du, ne kento mugod se yóm ngà, ne tódô hkengkel. Okóm tódô hdó Jisas yóm busaw gel malak du yó, ne tódô bud hyu se yóm ngà yó. Mon Jisas mò ke maen, “Ni ngaem.”


Bè yóm kton le ke Jisas yó kem tey tau sbung bè yó, tey ketnga le du, ne gotu le mlóy ebéléen na le e hnódó.


Tódô hdó Jisas yóm gel malak yóm ngà yó, ne sen-gengen se tódô hyu yóm ngà.


Balù ke Maykél ekni, yóm hol geta bè kdê yó kem hógów Dwata nô bè longit, là kô nmoen du kun yóm hemnê. Bè yóm tehe katay Musis ekni, tey kesegled le lówóhen lewu le Maykél Seitan. Okóm ke Maykél kun, là kóen mò udél hemnê ebè Seitan bè yóm ktifuen du, olon mon du, “Dwata he fen mólów kóm.”


Sotu kdaw, hdó Jisas yóm busaw humew yóm sotu tau. Tikóng deng hdóhen, tódô bud mudél se yóm tau tehe umew yó. Tey keseftaw le du yó kem tau sbung bè yó.


Yó gónón mon du yóm monen yó, abay se deng gegna kehdó Jisas du bè yóm tau nalaken. Bà mon se, deng hilu duléken ne tódô gel mówóng du yóm busaw malak du yóm tau yó. Là bangen du yóm gel kfét le du kdina kem sigelen ne kem tihen, lel le eles gel mentey du, ewenem botong benkasen. Són ebè yóm benwu laen dù tau menwu du gónón e liwà lanen gel mówóng du yóm busaw malak du yó.


Balù yó kem busaw gel malak yó kem tau, gotu hdó Jisas lu. Bè yóm kdó le, tódô le gotu lemangat yó kem busaw, mon le, “Uu se yóm hol Ngà Dwata.” Okóm bnólów Jisas lu, ne là kô bud hudélen kul, abay se tódô tngón le Jisas se yóm Misaya.


Okóm tódô bnólów Jisas, monen, “Béi mudél. Mdóhi bè yóm tau nalakem yó.” Tahu se. Bè yóm ktagaken du, tódô mugod lem blóng le bè yó yóm tau tehe wen malak du yó, okóm là kô gehsideken du yóm busaw malak du yó.


Ne yó udél yóm hógów Dwata yó ebè Seitan, monen, “Ou se Dwata mólów kóm, Seitan. Ou se deng mélék yóm syudad Jirusalim mò dou nfun. Yóm Jéswa kun, hol lómón ke ngà koyu dmilóf skot gu lem ofi.”


Ne ominen wen sotu tau nit le ebè Jisas, tau butô lelen umew lemwót bè yóm tulus seitan malak du. Tódô hdó Jisas yóm malak du, ne tódô gudél se yóm tau, ne bud mton.


Ne bud mudél se mà yóm ngà yó koni, hgelen udélen, monen, “Deng wen se kehtahuhu, Sér, okóm là kóyówen. Hol tennuem dou dé.”


Ne tódô lemangat yóm busaw, ya tey sidek tódô kehkengkelen yóm ngà, ne ominen yó tódô mdó. Bè yóm kton le du yóm ngà yó, hol lómón ke deng matay. Botong mon yó kem dumu tau, “Deng matay ne.”


Swiv nou:

Piblisite


Piblisite