Mark 9:24 - Udél Dwata: Gna Kesfasad ne Lomi Kesfasad

²⁴ Ne bud mudél se mà yóm ngà yó koni, hgelen udélen, monen, “Deng wen se kehtahuhu, Sér, okóm là kóyówen. Hol tennuem dou dé.”

Mark 9:24 Referans Kwoze

Kun Snulat Luk 17:5

Ne mudél le ebè Jisas yó kem gel hógówen, mon le mò du, “Hol tennuem kum dé, Sér, yóm kehtahu me.”

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Ifisus 2:8

Yakà lemwóten bè kun tóbóng Dwata yóm gónó tekuy gewà gu lem hatay lan tekuy hemtahu bè Krays. Là kóen lemwót bè nmò tekuy gónó tekuy gewà, kaem tódô lemwót bè yóm kun tóbóng Dwata. Laen kô bang gónó tekuy hegmón du nim ni.

2 Tisalunika 1:11

Yó gónóm mon, tey gel kni me bélê ye bè Dwata. Yó hni me anì baling hol segtón yóm kuy kmò ebè yóm tehe kun kóyô Dwata bélê ye bè yóm tehe ktabahen kuy. Dwata he hol tmóbóng kuy lemwót bè kfasangen anì gmò ye yóm kehyu kmò gel nalu nawa ye, ne yóm hyu tô nmò ye lemwót bè yóm kehtahu ye.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

Flipay 1:29

Bélê ye kuy, deng nélék Dwata yu mò tau mò nmò bè Krays. Yóm deng kéléken kuy yó, là olon du bè yóm kehtahu ye bè Krays gónón hyu, okóm hyu snéen yóm keglayam ye lemwót bè yóm klolò ye du.

Kem Lingón 126:5

Yó kem tau tehe mkik bè yóm igò le mehek, tles bud hefligalem lu bè yóm kuta le.

2 Kurin 2:4

Botonge mkik bè yóm ksulatu du yóm gna sulatu ebélê ye, bà mon se yóm tey alì sidek kegbeng lemu. Là kô yó du gónóhu hemwit edyó yóm sulatu ke mò udélu tô hemblat nawa ye. Okóm yó dé gónóhu hemwit du ebélê ye anì hol dilô ye yóm tey kbong nawahu kuy.

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Kul Nmò 10:31

monen mò dou, ‘Ó Kurnilyus, deng gungol Dwata yóm gel knihem, ne deng tonen se yó kem gel blayem bè yó kem élél.

Jirimaya 14:17

Yó hmò Dwata dou, htulónen dou bè yó kem tau yóm tey sidek klangagu, monu, “Hol tódô senflósen kdaw ne kifu he yóm klel lewoku. Hol là skasen he yóm tendo kkiku yó kem dou tau yóm tau hol kenbong nawahu, yakà dengen tey nelem halì le lan le tembek kul yó kem hohon le ne là kô le mowil du.

2 Timuti 1:4

Là kóen mkó bè nawahu yóm ktonu kosok lewokem bè yóm tehe ktagaku kóm. Hol kóyóu ke yó dum géhél bud tonu uu anì hol wen kligalu.

Kun Snulat Luk 7:44

Ominen beklil ebè yóm libun, okóm nan na bud mudél ebè Simun, monen, “Lómón se ni nem libun nii. Bè kotunu bè gónóem, là kô dog benlayem do él mò olob tihu, igoen yó sana gel adat tekuy. Okóm nim libun nii, deng mom lewoken yóm timbang olob tihu, ne ifuhen du weken.

Kun Snulat Luk 7:38

Yóm kkólen bè yó, tódô mdà klohok ti Jisas, ne mkik. Gotu temdak ete ti Jisas yóm lewoken, ne bud ifuhen du weken, gloken melek tihen ne twélen du yóm hboo yó koni.

Kem Lingón 39:12

Hol hnungolem dou yóm hnihu, Dwata. Hol hnungolem dou yóm kehtóbóngu béléem. Béem tódô tenngel yó kem lewoku. Yakà tauhe lawa béléem, ne tauhe milo là legen, lómón yó kem tehe fuu ekni.

2 Bok Kem Tau Hol Geta 20:5

“Budi semfulék ebè Hisikaya, yóm tau malak yó kem dou tau. Tulónem du, ‘Ni se udél Dwata ebéléem yóm Dwata tehe fuem Dabid. Deng gungolu yóm hnihem, ne deng tonu yóm lewokem. Hkóhu yóm desem. Tlu ni angati btik ne budi mógów ebè Gónô Dwata.

2 Samwél 16:12

Déke ton Dwata he nim tey ksidek kegnómu du, ne du he bud malà du béléu hyu mò tles nim kehmulaen dou Simi kemdaw ni.”

Hibru 12:17

Okóm deng sana tngón ye yóm nmoen kogolen bè yó. Bud tô móyô ke gutahen yóm kolu maen du, okóm là. Laen kô bang dù lanen bud temles du yóm deng tehe nmoen, balù yóm tey kkiken bè yóm kehkoduhen bè maen.

Kul Nmò 10:19

Bè yóm igò Pitér tolo hemdem du lanen yóm deng hegfan Dwata béléen yó, tódô bud mudél ebéléen se yóm Tulus Dwata, monen mò du, “Ngem wen kem tlu tau nô laan, hnebel le u.

Mark 9:23

Mon Jisas se mò du, “Moen de ke monem mò do, ‘Ke gbekem?’ Igoen laen dù là gbek Dwata du bè yóm tau hemtahu béléen.”

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”