Mark 9:22 - Udél Dwata: Gna Kesfasad ne Lomi Kesfasad

²² Deng dê duléken ne tô hmatay du yóm busaw malak du, tódô gel lugoden elem ofi ne elem él. Ke gbekem tmóbóng kum, hol knoduhem mi.”

Mark 9:22 Referans Kwoze

Kun Snulat Luk 7:13

Timbow ton Jisas yóm yéen, tey kkoduhen du, monen, “Béi abay mkik.”

Mark 5:19

Okóm là kô henmóyô Jisas du, mom monen mò du, “Tódói mulék ne ebè yó kem fes lówóhem. Tulónem kul yóm tey deng nmoen béléen yóm gónóhem mogot ne yóm tey kkoduhen kóm.”

Matyu 20:34

Ya tey kkodu Jisas kul yó kem tau yó, ominen mnok bè mata le. Tódô sen-gengen se yóm bud kton le, ne tódô henmung lolò le Jisas.

Matyu 14:31

Omin Jisas kendel kemfô du bè sigelen, monen, “Tey udì kehtahuhem nim uu. Moen du ke megewu nawam do?”

Matyu 9:28

Timbow kól lem yóm gónô gónón e solu Jisas, kól le se béléen yó kem lewu tau butô yó koni, ne wen snólók Jisas bélê le, monen, “Hentahu ye kô yóm kegbeku hton kuy?” Bnalà le se, mon le, “Hentahu me se, Sér.”

Matyu 8:2

Wen tau gemnóm des mifù hloni ebéléen, ne tódô tuden bukolen bè soluhen, ne hkodu béléen, monen mò du, “Ó Sér, ke yó dum móyói, kaem gbekem tódô hkó du nim desu ni.”

Matyu 17:15

“Ó Sér, hol knoduhem yóm ngau, wen desen snidaf. Ya tey sidek kehkengkelen ke sok gel sut béléen. Wen se gónón gel mugod elem ofi duhen elem él.

Mark 9:21

Ne snólók Jisas yóm maen, monen, “Deng kegenen gemnóm du de nim desen ni?” Ne mon maen se, “Lemwót bè kegenen hanà udì.

Mark 9:23

Mon Jisas se mò du, “Moen de ke monem mò do, ‘Ke gbekem?’ Igoen laen dù là gbek Dwata du bè yóm tau hemtahu béléen.”