Mark 9:19 - Udél Dwata: Gna Kesfasad ne Lomi Kesfasad

¹⁹ Ne mon Jisas se mò kul, “Yu kem tau kmoen ni, alì ye gel hemda. Igò tey deng kegenu nô lem blóng ye, ne tey klawi nawahu bélê ye. Nitem edini sen yóm ngaem.”

Mark 9:19 Referans Kwoze

Lista 14:11

Yó udél Dwata ebè Musis, monen, “Deng tódô senflós le kembê do ni kem tau ni. Tódô senflós le là smalig do igoen deng tey dê hentaw ton nmou lem blóng le.

Kun Snulat Jan 20:27

Ominen mon du mò ke Tumas, “Ó Tumas, ni hnénégem hólólu, ne duem bè haliu tdokem. Ne bud duem bè sol halì bè klabihu yóm hólólem. Béem bud hegewu nawahem, hol hentahuhem ne yóm deng klowilu.”

Mark 16:14

Bè hol són yóm kehegfan Jisas, tódô sut lem blóng yó kem sfolò sotu dù gel lemolò du bè yóm igò le tolo mken. Nudélen lu lemwót bè yóm là kehtahu le, ne lemwót bè yóm kgel kulu le, yó gónó le alì hemda du yóm tulón yó kem tau deng mton yóm bud klowilen.

Lista 14:27

“Deng tódô senflós le tendo msel do ni kem tau gel mò sidek ni. Denge tmakas hmungol du yóm tendo ksel le do yó.

Kun Snulat Luk 24:25

Ne bud mudél ebélê le Jisas, monen mò kul, “Tey kem tau là hulung hedem nim yu. Tey mima bélê ye hemtahu du kdê yó kem tehe gel tulón yó kem gna tugod Dwata ekni.”

Kun Snulat Luk 9:41

Mudél Jisas, monen, “Yu kem tau kmoen ni, alì ye hemda. Gel sekban yóm kehedem ye. Igoen deng tey kegenu nô lem blóng ye, ne tey kehlawihu nawahu bélê ye.” Omin Jisas mon du mò yóm mà yóm ngà yó, “Nitem edini sen yóm ngaem.” Tahu se, nwiten ebéléen.

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

Dwata 32:20

Botong monen, ‘Là bud tnóbóngu kul ne, hnénég gónó le e són. Hono kem tau mgel kulu, tau là gulit.

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Kun Snulat Jan 12:27

Bud mon Jisas, “Nim kmoen ni, tey sidek kegnómu du. Okóm là kô gbeku mon du mò ke Mà, ‘Ó Mà, kóhem tahu yóm angat tey gbunuu ni.’ Abay se ni se hol nógówu edini anì naw e heglayam.

Kem Lingón 78:22

abay se là kô hentahu le ke Dwata, ne là kô snalig le du yóm kesegyoken kul.

Mark 9:18

Sok gel gefet béléen yóm busaw malak du, tódô mugod, ne hono bulok gu lem baken, tódô senséhéken beengen, ne tódô htudel. Denge hkodu bè yó kem gel lemolò kóm, okóm là kô gbek le hdó du yóm busaw gel malak du.”

Mark 9:20

Tahu se, nwit le ebéléen. Timbow tonen Jisas yóm busaw gel malak du yóm ngà yó, tódô lugoden talak tonok yóm ngà nalaken, ne tódô hgilu bè yó yóm ngà, ne hono bulok gu lem baken.