Mark 9:18 - Udél Dwata: Gna Kesfasad ne Lomi Kesfasad

¹⁸ Sok gel gefet béléen yóm busaw malak du, tódô mugod, ne hono bulok gu lem baken, tódô senséhéken beengen, ne tódô htudel. Denge hkodu bè yó kem gel lemolò kóm, okóm là kô gbek le hdó du yóm busaw gel malak du.”

Mark 9:18 Referans Kwoze

Mark 11:23

Tódô tulónu kuy ktahuhen, ke là megewu kehtahu ye, ne ke hol nô bè nawa ye yóm angat kguta ye yóm hni ye, gbek ye tódô mdók nim bulul nii anì mdó bè ni ne mili elem mohin, kaem tódô nimónen yu.

Mark 9:26

Ne tódô lemangat yóm busaw, ya tey sidek tódô kehkengkelen yóm ngà, ne ominen yó tódô mdó. Bè yóm kton le du yóm ngà yó, hol lómón ke deng matay. Botong mon yó kem dumu tau, “Deng matay ne.”

Mark 9:20

Tahu se, nwit le ebéléen. Timbow tonen Jisas yóm busaw gel malak du yóm ngà yó, tódô lugoden talak tonok yóm ngà nalaken, ne tódô hgilu bè yó yóm ngà, ne hono bulok gu lem baken.

Matyu 17:16

Deng nitu ebè yó kem gel lemolò kóm, okóm là gbek le du.”

Kul Nmò 7:54

Kogol yóm kudél Stéfén ebè yó kem tau hol geta mogot kukum, ya tey sidek kebut le du, sónmò le semdeken beeng le.

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Sulat Jud 1:13

Ne bud le mkél bè lewók mohin ke lemnos. Sal gel wen bulok gedway ebè kililen. Hol lómón se yó ne kmò yó kem tau yó, sal gel gfan yóm ksidek gel nmò le, yóm gónó le hemyak knô le. Mkél le snéen bè yó kem blotik tabag, laen mdengen lan lolò le. Deng eles wen yóm tey benwu kmifu deng hentifes Dwata bélê le, ne laen kô dù sónen yóm knô le du.

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Matyu 8:12

Okóm yó kem Ju, yóm hol bak mfun du yóm kogot Dwata tau, là kô le gmung kul. Angat gotu tudà le lu ditu ebè yóm gónón alì kmifu, ne bè yó tendo gónó le heslaf dmumu mkik, ne sembéhé kakim.”

Mark 9:17

Fen bnalà yóm sotu tau nô lem blóng yó kem tey tau wen bè yó, monen, “Wen ngau lengel matahen, Sér, tô nitu ebéléem. Là kóen bud gudél lemwót bè yóm busaw malak du.

Mark 9:19

Ne mon Jisas se mò kul, “Yu kem tau kmoen ni, alì ye gel hemda. Igò tey deng kegenu nô lem blóng ye, ne tey klawi nawahu bélê ye. Nitem edini sen yóm ngaem.”