Mark 9:17 - Udél Dwata: Gna Kesfasad ne Lomi Kesfasad

¹⁷ Fen bnalà yóm sotu tau nô lem blóng yó kem tey tau wen bè yó, monen, “Wen ngau lengel matahen, Sér, tô nitu ebéléem. Là kóen bud gudél lemwót bè yóm busaw malak du.

Mark 9:17 Referans Kwoze

Kun Snulat Luk 11:14

Sotu kdaw, hdó Jisas yóm busaw humew yóm sotu tau. Tikóng deng hdóhen, tódô bud mudél se yóm tau tehe umew yó. Tey keseftaw le du yó kem tau sbung bè yó.

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Kun Snulat Jan 4:47

Timbow gungolen yóm deng kkól Jisas gu bè Judiya ne yóm kegdeken bè Galili, tódô mógów ebéléen nan e hkodu béléen anì tô mung du mulék ebè Kapérnaum, wen tum ngaen deng móyónen matay anì bud hlowil Jisas.

Kun Snulat Luk 9:38

Wen sotu tau tmaba du lemwót lem blóng ni kem tau sbung ni, monen, “Ó Sér, henkoduhu béléem, nam e tenngel dou yóm ngau logi. Blaem tek sónen ni ngau.

Mark 10:13

Wen se kem tau mit ngà ebè Jisas na le e tô hnok du. Okóm mom bnólów le lu yó kem gel lemolò ke Jisas.

Mark 7:26

ne hkodu béléen anì hdóhen yóm busaw gel malak yóm ngaen. Nim libun ni, là Juhen, tau Funisya se kun, lemwót bè yóm sotu benwu boluyen Sirya.

Mark 5:23

ya tey kehkoduhen béléen, monen, “Ó Sér, tey leed desen yóm ngau libun. Holi mung dou bè gónóu nam e nnok dou anì tódô mkó tum desen, ne anì bud mowil.”

Matyu 17:15

“Ó Sér, hol knoduhem yóm ngau, wen desen snidaf. Ya tey sidek kehkengkelen ke sok gel sut béléen. Wen se gónón gel mugod elem ofi duhen elem él.

Matyu 12:22

Ne ominen wen sotu tau nit le ebè Jisas, tau butô lelen umew lemwót bè yóm tulus seitan malak du. Tódô hdó Jisas yóm malak du, ne tódô gudél se yóm tau, ne bud mton.

Matyu 9:32

Hol le se lemwót yó kem lewu tau tehe butô yó koni, wen dumu tau bud gdek ebè Jisas, wen nwit le tau là buden gudél lemwót bè yóm tulus seitan malak du.

Mark 9:16

Snólók Jisas yó kem gel lemolò du, monen, “Tedu senkuya ye yó du?”

Mark 9:18

Sok gel gefet béléen yóm busaw malak du, tódô mugod, ne hono bulok gu lem baken, tódô senséhéken beengen, ne tódô htudel. Denge hkodu bè yó kem gel lemolò kóm, okóm là kô gbek le hdó du yóm busaw gel malak du.”