Mark 9:1 - Udél Dwata: Gna Kesfasad ne Lomi Kesfasad

¹ Bud mon Jisas mò kul, “Tódô tulónu kuy ktahuhen, wen he bélê ye gmafit mton du gu laan ye là deng matay yóm kogot Dwata tau ne yóm tey kegbeken.”

Mark 9:1 Referans Kwoze

Kun Snulat Luk 9:27

Tódô tulónu kuy ktahuhen, wen he bélê ye gmafit mton du yóm kogot Dwata tau gu laan ye là deng matay.”

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Kun Snulat Luk 22:30

Ke deng kól bè yóm dou kogot tau, angat ye seyón dou mken, ne angat ye gotu mogot kukum bè yó kem sfolò lewu but tau semfu gu bè tehe fù tekuy Israél.”

Mark 13:30

Bê ye klifót,” mon Jisas, “kesok sut ni kem deng tulónu kuy ni, tolo wen he bè ni kem tau kmoen ni gmafit mton du.

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Kun Snulat Luk 22:18

Tódô tulónu kuy, hatan bud ninumu he dou nim ninum tekuy ni ke deng kól bè yóm kogot Dwata tau.”

Kun Snulat Luk 2:26

ne deng eles hetngónen du yóm là tagad katayen ke là nan ne ton yóm Misaya, yóm deng tehe fasad Dwata kul mò hkamalen yóm klamangen.

Mark 13:26

Ominen yó he angat gfan yóm Ngà Tau htuntun gu tta mung bè lobun. Angat ton le se yóm tey kfasangen ne yóm tey kegetahen.

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

Kun Snulat Jan 21:23

Yóm kmon Jisas du yóm yó koni, tódô gotu mból ebè kdê yó kem lemolò ke Jisas yóm là katay yóm sotu tau lemolò du yó. Okóm là mon Jisas du dé là matayen, olon mon du, “Ke dou kóyô nan mowil efet bud kesfuléku, laen dù bud kóm du ne yó.”