Mark 8:8 - Udél Dwata: Gna Kesfasad ne Lomi Kesfasad

^8-9 Tódô kdê le se gotu mken yó kem tau, ne gotu le se gemtu. Dô fat libu yóm kwen le. Timbow deng kken le, sentifun yó kem gel lemolò du yóm lukasen, botong hitu abì. Omin Jisas yó he gotu hulék yó kem tau,

Mark 8:8 Referans Kwoze

Matyu 16:10

Ne yóm le kekbéngu hitu botù mambang bè yóm fat libu kem logi, bud hilu abì lukasen?

Kem Lingón 145:16

Tey wen gel blayem kul, ne tódô gotu gsengel nawa le du yóm kdê le.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Kun Snulat Luk 1:53

Yó kem tau élél, gsengel nawa le du yóm hyu gel blayen kul. Bong yó du kem tau wen kendengen le, tódô huléken lu laen dù nit.

Matyu 14:20

Tódô kdê le se gotu mken ne gotu le bsow. Timbow deng kken le, gotu sentifun yó kem gel lemolò ke Jisas yóm lukas ken le, botong sfolò lewu abì.

Matyu 15:37

Gotu le mken kdê le, ne tódô le gotu gemtu. Timbow deng kken le, gotu sentifun yó kem gel lemolò du yóm lukasen, botong hitu abì.