Mark 8:36 - Udél Dwata: Gna Kesfasad ne Lomi Kesfasad

³⁶ Anien he yóm tau ke gotu gfunen yóm klamangen benwu, laen kô ofolen du yóm deng gfunen yó ke lana béléen yóm klowil laen dù sónen.

Mark 8:36 Referans Kwoze

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

Kem Lingón 49:17

Ke matay yóm tau yó, là kô gwiten du yóm kendengenen. Laen kô dù muhen du lem lebengen yó kem kendengenen yó.

Kun Snulat Luk 9:25

Anien he ke gotu gfun tau yóm klamangen benwu, laen kô ofolen du ke lana béléen yóm klowil laen dù sónen.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Malakay 3:14

“Yó sidek gel mon ye, ‘Laen dù muhen yóm lemolò ke Dwata. Tedu de bang guta tekuy du yóm gel kimón tekuy yó kem kun hlau tekuy? Tedu de bang guta tekuy du se yóm kehegfan tekuy du béléen yóm ksidek kegnóm tekuy du bè yóm kegsalà tekuy?

Job 2:4

Yó balà Seitan ke Dwata, monen, “Yóm tau són gónón dmóyón kóm ke nuyagem. Ke móyô mowil, kaem gotu blayen kdê nfunen.

Mark 8:35

Yóm tau ke knamaen klowilen, angat lana béléen yóm klowilen yó. Okóm yóm tau là knamaen du klowilen lanen lemolò do, ne lanen hetngón yóm Tulón Hyu, angat gutahen yóm klowil laen dù sónen.

Mark 8:37

Ke lana béléen yóm klowil yó, laen kô bud gónón ma mò tlesen.