Mark 8:34 - Udél Dwata: Gna Kesfasad ne Lomi Kesfasad

³⁴ Omin Jisas sembung yó kem tey tau wen bè yó, dalang se yó kem gel lemolò du, ne monen mò kul, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ominen yó lemolò do.

Mark 8:34 Referans Kwoze

Matyu 10:38

Yóm tau ke loloen o, okóm là eles tnihangen du yóm kun kros, kéngen yóm kloloen do.

Kun Snulat Jan 10:27

Ke yu yóm dou ubiha, kaem hnungol ye udélu. Gotu tngónu lu ne gotu lolò le ou.

1 Bok Kem Tau Hol Geta 14:8

Deng nwahu bè ból Dabid yóm benwu nogoten ne blayu kóm. Okóm là kô gsengedem ke Dabid yóm tau tóbóng lówóhu, yóm tau hol lemwót lem but blututen yóm kimónen du yó kem hlauhu du, ne tendo nmoen yóm hyu bè ktonu du.

Glasya 5:24

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.

Glasya 2:20

Yó gónóm mon, là kô ou du ne nim mowil ni, kaem Krays, yóm nô béléu. Són yóm kehtahuhu tendo gentud nawahu abay se tey kbong nawan dou, gloken fen hamà béléu yóm kun klowil.

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

Lista 14:24

Okóm ke Kalib kun yóm tau tóbóng lówóhu, tey tólóng yóm kun kmò, là kóen monol nawahen ebéléu. Yó gónóm mon, heflósu yó dum kun ebè yóm tonok deng bniwelen. Ne yó kem sfuhen angat le gemfun bè yóm kun ólól bè tum tonok tu.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Flipay 3:10

Tek són yó hol sen-galuhu ni kmoen ni, duhen yóm ketngónu ke Krays, ne ke gnómu bè klowilu yóm tey kegbek Krays bè yóm deng klowilen gu lem hatay. Kóyóu ke gnómu snéen dou yóm tehe keglayamen anì mkéle du bè yóm tehe katayen,

Sulat Pol Ebè Yó Kem Tau Hemtahu Bè Rom 8:17

Lemwót bè yóm deng kngaen tekuy yó, yó se gónó tekuy gmuta du yó kem hyu angat blayen bè yó kem ngaen. Angat tekuy gomong bè yó kem hyu angat blayen ke Krays snéen. Ke wen gónó tekuy glayam ni kmoen ni lemwót bè klolò tekuy ke Krays, angat tekuy bud mung béléen snéen bè yóm tey kegetahen hulin kdaw.

Kun Snulat Luk 9:23

Ne yó bud mon Jisas ebè yóm kdê le, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros ket haya, ominen yó lemolò do.Yóm tau, ke knamaen klowilen, angat lana béléen yóm klowilen yó. Okóm yóm tau ke là knamaen du yóm klowilen lanen lemolò do, angat gutahen yóm klowil laen dù sónen.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

Flipay 3:7

Okóm tódô tebelu ne yó kem yó, yóm tehe alì bong muhen béléu. Deng dilóu laen dù nefeten. Deng tlesu du ne yóm tahu bong muhen, duhen Krays.

1 Pitér 4:1

Deng tehe glayam Krays ekni bè yóm tehe knóen te tonok. Ke yó se kmoen béléen, bê ye tnga du ke wen gónó ye gel glayam se kuy ni kmoen ni. Abay se ke wen gónóhen glayam yóm tau, là kô wen bud nawahen mò du yóm sidek.

Glasya 6:14

Okóm béléu dou, tek sotu yóm saluu, són yóm katay Jisas Krays bè kros yóm gónó tekuy mogot. Lemwót bè yóm katayen yó, là kô bud gwiten dou ne yóm dê kenbeyen talak tonok ne là kóe bud gfét du snéen.

1 Kurin 15:31

Béléu dou, kem dumuhu setwoli, wen se tendo móló hmatay dou ket kdaw. Yó gónóhu tmulón du kuy nim ni lemwót bè yóm tey kligalu bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 6:6

Tngón tekuy se yóm gna klowil tekuy gu laan tekuy là deng hemtahu, tu se yóm klowil deng gomong bè Jisas bè yóm ktutuk le du bè kros, anì gomong tekuy matay ne laen dù bud kegbeken bélê tekuy yóm óyô mò sidek, ne là bud tekuy ghesek lem salà.

Kun Snulat Luk 14:33

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”

2 Pitér 1:14

Deng eles tngónu là buden té ne duen yóm dou ktau, yakà deng hetngónen du dou yóm gónó tekuy mogot Jisas Krays.

1 Pitér 4:13

Yake hligal ye dé ke wen gónó ye glayam, abay se deng ye gbót ne bè yóm tehe keglayam Krays. Ke gbek ye hembala du, bong kehligal ye bè yóm kdaw kehegfan Dwata du bè kdéen tau yóm tey kegeta Krays.

Taytus 2:12

Lemwót bè yóm tey nawahen yó, bê kuy bud nmò yóm kun kenbê bélê tekuy. Bê te abay geskét du yó kem gel kenbeyen nawa lem nim benwu ni. Hfulung te mit yóm kut ktau, hebtol te knawa te, ne nmò te yóm gónó te gulit ebè Dwata.

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Kun Snulat Luk 18:22

Timbow gungol Jisas nim monen ni, monen mò du, “Sotu he duen tolo gónóhem là deng sikof. Hbaluem yóm kdê nô béléem, ne blayem bè tu kem tau élél yóm blihen. Ke yó nmoem, angat wen tey kendengenem bè longit. Lemwót yó dum kóm, loloem o.”

Kun Snulat Luk 13:24

“Yóm lan ebè yóm klowil laen dù sónen, hol lómón ke bak dól sikeb. Hotu ye són gel ye husek edu, abay se angat tey dê tau móyô husek elemen hulin kdaw, okóm là kô le gusek elemen.

Matyu 27:32

Yóm tolo knô le bè lan, geslong le yóm sotu tau boluyen Simun, lemwót bè Sayrin. Tódô gnaga htihang le du yóm kros Jisas.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Hibru 13:13

Duhen yó, tódô tekuy hlós ebéléen ditu bè lewà anì gbót tekuy bè yóm tey kyaken.

2 Tisalunika 3:11

Yó gónó me bud mon du nim ni, abay se gungol me wen bélê ye mduk mò nmò kun. Laen kô mdengen nmò le, són tendo snolò le nmò kem dumu tau.

1 Kurin 9:19

Nim ou, laen kô deng tau gónóhu klifen. Okóm tódô kem ou ne heklifen knóu bè kdéen tau anì hol temnù kwenen yóm tau nwitu ebè Krays.

1 Kurin 8:13

Duhen yó, ke lemwót bè yóm gel kutónu gónón lemwót btang yóm sotu dumuhu hemtahu, tumù nawahu là dog kem mutón efet katayu, anì laen dù lanu hebtang du elem salà yóm dumuhu hemtahu.

Kun Snulat Jan 19:17

Kewót le bè yó, nwit le Jisas, tódô htihang le du yóm kun kros. Nwit le ebè yóm benwu boluyen “Bangag Kulu.” (Yó boluyen bè udél Hibru, “Golgata.”)

Kun Snulat Luk 20:45

Bè yóm igò le hmungol du yó kem tey genged tau, tódô mon Jisas mò yó kem gel lemolò du,

Mark 10:21

Yóm ketngel Jisas ebéléen mom gkoduhen, monen mò du, “Sotu he duen tolo gónóhem là deng sikof. Tu ne muléki, nam e hbalù yóm kdê nô béléem, ne blayem bè tu kem tau élél yóm blihen, ne angat wen tey kendengenem bè longit. Lemwót yó dum kóm, loloem o.”

Mark 7:14

Ne bud senbung Jisas ebéléen yó kem tey tau wen, ne monen mò kul, “Hol hnungol ye nim monu ni, yóm kdê ye, anì tngón ye.