Mark 8:32 - Udél Dwata: Gna Kesfasad ne Lomi Kesfasad

³² Tódô hnakang Jisas tmulón du kul nim ni. Lemwót ke Pitér, niten hlayuk udì Jisas, tô bnólówen yóm monen.

Mark 8:32 Referans Kwoze

Matyu 16:22

Omin Pitér mit ke Jisas hlayuk udì, ne bnólówen, monen mò du, “Teya he yó, Sér. Yake béen dohò kut yóm monem yó.”

Kun Snulat Jan 16:25

Ne yó bud mon Jisas mò yó kem gel lemolò du, monen, “Ni kem tulónu kuy ni, sal gel hningónu. Okóm angat wen kdawen, là kô bud hningónu du yó kem toloku kuy. Tódô benkasu bélê ye yóm tulón lemwót gu bè Mà.

Kun Snulat Jan 16:29

Ne mon yó se kem gel lemolò du, “Yó dé mdengen kestulónem kum, là bud hningónem du.

Kun Snulat Jan 18:20

Bnalà Jisas se, monen, “Bè yóm gel ktoloku, sal gele tmolok bè gónón wen. Gele tmolok bè yó kem gónó le gel stifun yó kem tau, duhen bè yó kem gónó le gel stifun yó kem Ju ne bè yóm Gónô Dwata. Laen kô dù bnosu.

Kun Snulat Luk 10:40

Bong ke Marta kun fen hentifesen kmò kehkenen kul. Tikóng deng tmakas, yó gónón mógów ebè Jisas, monen mò du, “Ó Sér, là hendemem du kô yóm klaen dù dumuhu hemtifes ken bélê ye? Dókem do edini Midi mò tmóbóng do.”

Mark 4:38

Okóm ke Jisas deng mom gtungô, temdanan te kama fi bè sékê yóm ówóng. Lemwót yó kem gel lemolò du, bentik le Jisas, mon le mò du, “Ó Sér, moem tlek tungô kut ni du? Móyón tekuy lemneb.”

Kun Snulat Jan 10:24

Gotu le stifun hmilol du yó kem Ju, mon le mò du, “Hol béem abay hegewu nawa me. Tulónem kum ktahuhen. Uu kô yóm Misaya?”

Kun Snulat Jan 11:14

Omin Jisas tódô hmakang tmulón du kul, monen, “Deng matay Lasarus.