Mark 8:31 - Udél Dwata: Gna Kesfasad ne Lomi Kesfasad

³¹ Nbuten bè yó ne tendo ktolok Jisas yó kem gel lemolò du, monen mò kul, “Là kô gbeken du ke là nan na hol glayam yóm Ngà Tau. Angat senkbê yó kem tuha gónó tekuy gel galak, ne yó kem tau hol geta gel demsù ebè Dwata, dalang se yó kem tau gel tmolok hlau. Ngang le mò du efet hfatay le. Okóm angat bud hlowil Dwata bè yóm getluhen kdaw.”

Mark 8:31 Referans Kwoze

Kul Nmò 7:35

Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Kun Snulat Jan 2:19

Yó balà Jisas kul, monen, “Genbà ye dé nim Gónô Dwata ni, bè tlu kdaw sana bud hdau.”

Kun Snulat Luk 24:26

Deng tehe eles tulón le yóm nan na keglayam yóm Misaya, omin Dwata yó he hegeta du.

Kun Snulat Luk 17:25

Okóm nan gna hol glayam he, ne angat tey sidek kesekbê le du yó kem tau kmoen ni.

Mark 12:10

Omin Jisas bud mon du mò kul, “Deng hónô senfala ye se yóm tehe monen bè Sulat Dwata, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, yó se yóm hol tahu botu mò hembegel yóm gónô hdà le.

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’

Matyu 12:40

Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Husiya 6:2

Ke deng lewu duhen ke tlu kdaw, angat bud hnomihen tekuy anì hlós tekuy nô bè soluhen.

1 Kurin 15:4

Deng tehe tulónu kuy snéen yóm kebeng le du, ne bè yóm getluhen kdaw bud hlowil Dwata. Bud ni se yóm tehe hsulaten ekni.

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

Juna 1:17

Bè yóm kbot le ke Juna yó, wen tey utón bong dók Dwata mò na a hemlo du. Botong tlu buteng Juna nô lem blutut yóm utón yó.

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Kem Lingón 118:22

Yóm botu tehe senkbê yó kem tau hdà gónô, ofo kul ke botu laen dù muhen, anì monem, hol botu bong muhen bè kdéen mò hembegel yóm gónô hdà le.

1 Samwél 10:19

Okóm ni, deng mom kenbê ye o yóm kuy Dwata, yóm deng lemwà kuy bè yó kem gónó ye glayam ne bè yó kem gónón mgel bélê ye. Deng mom mon ye, ‘Là. Hyu ke wen tau hol geta bélê me.’ Duhen ni, mdà ye bè solu Dwata mlan bè ket tbong ye ne bè ket ktol ye.”

1 Samwél 8:7

Ne yó balà Dwata du, monen, “Hnungolem yóm kdê udél le ebéléem yó kem tau. Là kô uu du yóm deng kenbê le, kaem ou yóm kenbê le mò mogot kul.

Kun Snulat Jan 12:48

Yóm tau kembê do, ne là se kô henmóyóen du yóm toloku, angat wen fen tmuled du. Yó tmuled du bè yóm hol són kdaw, duhen yóm udélu là henmóyóen du yó.

Matyu 27:63

Mon le mò du, “Ó Sér, gtulón bè nawa me yóm tehe monen tum tau mò kéng tu yóm kegenen tolo mowil, ‘Bè getluhen kdaw, bud hlowil Dwata ou.’