Mark 8:15 - Udél Dwata: Gna Kesfasad ne Lomi Kesfasad

¹⁵ Ne wen tulón Jisas kul, bede hlanen bè hlingón, monen, “Hol ten-gama ye yóm kul bulung henok mambang yó kem Farisi, dalang se yóm ke Hirod.”

Mark 8:15 Referans Kwoze

Matyu 16:6

Ne wen udél Jisas ebélê le, monen, “Hol ten-gama ye yóm kul bulung henok mambang yó kem Farisi ne yó kem Sadyusi.”

Mark 12:13

Ne wen se bè yó kem Farisi ne bè yó kem kun tau Hirod hógów le ebè Jisas, wen snólók le béléen mò dalil duón le du.

Kem Udél Hlalak Tehe Selumun 19:27

Ó Man, ke béi hmungol hlau yó gónóm tlas bè yó kem udél mit kóm temngón.

1 Timuti 6:13

Wen hlauhu kóm, mungol Dwata yóm deng hlowil yóm kdéen, ne mungol Krays Jisas yóm hol tmulón du yóm ktahuhen balù yóm kdaen bè solu Pontyus Paylét.

Matyu 14:1

Bè yóm kdaw yó, gefet bè Hirod yóm gubérnor bè Galili, yóm gel nmò Jisas.

2 Timuti 2:14

Nim ni koni, bud gel hegtulónem bè nawa yó kem tau bè yó, ne hol hetgamahem kul, ne Dwata fen mungol du. Bê le abay skuya mon bè kmò klan yó kem udél. Yakem wen se muhen, olo mom gónón lana kehtahu yó kem tau hmungol kul.

1 Timuti 5:21

Gungol Dwata ni kem monu mò kóm ni, ne gungol Krays Jisas se kun, dalang se yó kem hógów Dwata nô bè longit. Hol nulitem ni kem hlolou kóm ni, ne béen mtukul henlom nawam.

Kun Snulat Luk 12:15

Ne bud mudél Jisas ebè yó kem tau sbung bè yó, monen, “Hol gel ten-gama ye yóm kdéen gel senbì tau, abay se balù nô kbong kimuhen yóm tau, là kô bè yó du tahu gónón mowil.”

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

Matyu 14:3

Yó gónó Hirod mon du yóm yó, abay se du yóm tehe hekfô ke Jan, lelen hfét du, ne heblangguen. Yó gónón mò du béléen yóm yó, lanen tehe mólów du bè yóm tehe kalawen ke Hirudiyas, yehen yóm twolihen boluyen Filip. Tehe gel monen mò ke Hirod, “Deng nuléhem yóm hlau tekuy yóm kalawem yehen twolihem yó.”

Matyu 14:6

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm tehe ksut Hirod, hadal le yóm ngà Hirudiyas libun lem blóng yó kem tey tau deng sbung bè yó. Ya tey kehyu nawa Hirod.

Mark 8:14

Bè yóm kógów le yó, klifót le mit bnotu yó kem gel lemolò ke Jisas, ne tek sbotù dù mambang nô bélê le lem yóm ówóng.

Mark 8:16

Stulón le són lu yó kem gel lemolò ke Jisas, mon le, “Yó dô gónón mon du yóm yó, yakà klifót tekuy du mit mambang.”