Mark 7:5 - Udél Dwata: Gna Kesfasad ne Lomi Kesfasad

⁵ Duhen yó, wen snólók le bè Jisas yó kem Farisi dalang se yó kem gel tmolok hlau, mon le, “Moen de kul yó kem gel lemolò kóm ke là lolò le du yóm hlau yó kem tehe fù tekuy ekni bè khólós tekuy? Tódô le kendel gel mken là dog molob.”

Mark 7:5 Referans Kwoze

2 Tisalunika 3:6

Yu kem dumu me setwoli, nim hlolò me kuy ni, hlan me bè boluy yóm gónó tekuy mogot Jisas Krays. Hol bê ye abay mung bè yó kem dumu ye hemtahu ke mduk le, ne ke kenbê le yóm tehe hlolò me kuy.

Kul Nmò 21:21

Deng wen ne tmulón du bè yó kem Ju hemtahu bè Jisas bè ni bè Jirusalim yóm gel ktolokem bè yó kem Ju menwu lem blóng yó kem tau là Ju le. Yó kun gel monem, bê ye bud lolò ne yó kem hlau Musis ne bud mon le gel tolokem yó kem tau, bê le bud lolò ne yó kem hlau bè ktulì kem ngà ne yó kem dumu adat le.

Glasya 1:14

Bè kegenu lomi tau, là kô gsenged le dou yó kem dumuhu lemnok bè klolò me du yóm kum gel hentahu mi kem Ju. Tey megenek he dou klolò du yó kem tehe kul adat yó kem tehe fù me.

Kul Nmò 21:24

Mungi kul ebè Gónô Dwata, gbóti bélê le bè yóm klolò le du yóm sana hlolò lemwót bè khólós tekuy. Fen bnayadem bli yóm angat dsù le anì hetbulud le mò ilô yóm deng kdeng yóm tehe fasad le ke Dwata. Ke ton yó kem tau nim nmoem ni,” mon Jim, “tódô tngón le là tahuhen yóm gel gungol le, abay se ton le yóm kloloem yóm hlau Musis.

Matyu 15:2

“Moen de kul yó kem gel lemolò kóm ke là lolò le du yó kem hlau yó kem tehe fù tekuy ekni? Là dog le na molob tdok gu laan le là deng mken.”

Sulat Pol Ebè Yó Kem Tau Hemtahu Bè Rom 4:12

Ne senged se yó kem Ju deng hemtahu bè Dwata, yó kem tau deng tnulì, Abraham se mà le. Là lemwóten bè yóm klolò le yóm kehtulì Abraham, okóm lemwót bè yóm kdalang le yóm kehtahuhen gu laanen là deng htulì.

2 Tisalunika 3:11

Yó gónó me bud mon du nim ni, abay se gungol me wen bélê ye mduk mò nmò kun. Laen kô mdengen nmò le, són tendo snolò le nmò kem dumu tau.

Mark 7:8

Tahu se yóm udél Dwata yó,” mon Jisas, “deng mom kenbê ye yó kem hlau lemwót bè Dwata, ne mom lolò ye yó kem hlau lenbù nmò tau.”

Mark 7:9

Bud mon Jisas, “Tey ye hulung kembê du yóm hlau Dwata, alì mlom klolò ye du yóm kuy hlau lenbù nmò.

Mark 7:13

Okóm deng mom knogol ye yóm hol tahu hlau Dwata. Hlau lenbù nmò ye hlolò yó kem tau. Ne tey dê he dumu nmò ye lómón ni.”