Mark 7:24 - Udél Dwata: Gna Kesfasad ne Lomi Kesfasad

²⁴ Bud kewót Jisas bè yó, hlós ebè tum benwu moni bè yóm benwu boluyen Tayal. Yóm kkólen ditu, tódô husek bè yóm sotu gónô, kóyóen ke là tngón kem dumu tau du yóm knóen bè yó, okóm senged nóm ketngón le du yóm gónóhen nô yó.

Mark 7:24 Referans Kwoze

Matyu 11:21

Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.

1 Timuti 5:25

Senged snéen yóm nmò hyu, wen se kendel gfan. Balù yó kem là gfanen nim kmoen ni, gotu le bud gfan he.

Matyu 9:28

Timbow kól lem yóm gónô gónón e solu Jisas, kól le se béléen yó kem lewu tau butô yó koni, ne wen snólók Jisas bélê le, monen, “Hentahu ye kô yóm kegbeku hton kuy?” Bnalà le se, mon le, “Hentahu me se, Sér.”

Mark 2:1

Timbow kogolen bè yó, bud mulék ebè Kapérnaum Jisas, ne tódô kendel tngón yó kem tau yóm deng kkólen bè gónóen.

Isaya 42:2

Nim tau néléku ni, là kóen na a gel hetê ne là kô hgelen du udélen, duhen ke mudél mgel gu bè gónón wen.

Tekang Kbuten 49:13

Bong ke Sibulun kun, angat menwu bè kilil mohin. Bè yó gónó le tendo gel dmuung yó kem kafal. Tey lamang yóm tonoken, botong gefet bè syudad Sidon.

Mark 7:23

Nim kdéen sidek ni,” mon Jisas, “hono lemwót lem hendem tau, ne ni se mit du là mólós bè Dwata.”

Mark 7:25

Bè yóm benwu yó, wen sotu libun wen ngaen libun wen busaw malak du. Ne unihen mungol yóm knô Jisas bè yó, tódô kendel mógów etu, tódô hegluduk klohok tihen,

Mark 7:31

Bud kewót Jisas bè yó bè Tayal, mlan etu bè yóm benwu boluyen Sidon, ne ebè yóm benwu bnoluy le Sfolò Benwu, ne hlós ebè Lanaw Galili.