Mark 7:20 - Udél Dwata: Gna Kesfasad ne Lomi Kesfasad

²⁰ Bud mon Jisas, “Yó mit du là mólós bè Dwata yóm tau, yó kem sidek gel lemwót gu lem hendemen.

Mark 7:20 Referans Kwoze

Sulat Jim 3:6

Ne yóm gel ksumóng tau, hol mkél bè ofi. Hol gónón smala kentihen sidek nmò tau. Bud lemwót bè ksumóng tekuy gónón sidek kehedem tekuy ne ksidek yóm nmò tekuy, ngangen ne efet laen dù gónón e kól ktau tekuy. Abay se yóm ksidek kbak tau, hol lómón yóm ofi lemwót bè lanaw ofi.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Mark 7:15

Là lemwóten bè yó kem kihu sungit yóm tau mit du là mólós bè Dwata. Okóm yó mit du là mólós, duhen yó kem sidek kebkó gel btang bè sumóngen.

Mika 2:1

Hatay ye kuy, kem tau olo le beyen hlilil kifu là dog tungô matul mò yó kem sidek. Hlafusen bè yó, tódô kendel nmò ye yóm sidek deng eles natul ye yó, abay se gbek ye mò du.

Kem Lingón 41:6

Ke nauy le ou, lómón ke wè le ou, anì monen mò lan le mebel ke wen sidek tulónu. Bè kulék le, bud gel tulón le bè kdéen tau.

Hibru 7:6

Okóm ke Mélkésédék kun, là semfuhen gu bè Libay se kun. Okóm tódô nwahen yóm gesfoloen blay Abraham du, ne wen oluhen ke Abraham bè yóm igoen mni béléen bè Dwata. Igoen Abraham he yóm tau gónó Dwata hol hlan du yóm fasaden.

Matyu 4:4

Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Matyu 15:18

Okóm yóm sidek kebkó gel btang bè sumóng yóm tau, hono lemwót lem hendemen, ne yó se mit du là mólós bè Dwata.

Mark 7:21

Abay se lemwót gu lem hendem tau yóm kdéen nmò sidek, lómón mò samuk, ne mnagaw, ne monok,

Mark 7:23

Nim kdéen sidek ni,” mon Jisas, “hono lemwót lem hendem tau, ne ni se mit du là mólós bè Dwata.”