Mark 7:14 - Udél Dwata: Gna Kesfasad ne Lomi Kesfasad

¹⁴ Ne bud senbung Jisas ebéléen yó kem tey tau wen, ne monen mò kul, “Hol hnungol ye nim monu ni, yóm kdê ye, anì tngón ye.

Mark 7:14 Referans Kwoze

Matyu 15:10

Ne bud senbung Jisas ebéléen yó kem tey tau wen, monen mò kul, “Ni hol hnungol ye anì tngón ye.

Kul Nmò 8:30

Tahu se, heflóng huli du Filip, ne gungolen yóm senfalahen lemwót bè yóm tehe snulat Isaya. Ne monen mò yóm tau yó, “Tngónem kô lanen yóm senfalahem yó?”

Isaya 6:9

Tahu se, hógówen o. Ne wen udél hwiten do ebè yó kem tau alì mgel kulu le. Yó udélen ebélê le, monen, “Balù nô kungol ye du là kô glileb ye du. Balù nô ketngel ye du là kô dilô ye du yóm tennefen.”

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Lingón 94:8

Ten-gama ye, yu kem tau nungel. Kilón de kbaling ye tau hulung hedem?

1 Bok Kem Tau Hol Geta 22:28

Okóm yó balà Mikaya du, monen, “Ke laen dù hemenem bè yóm bud kesfulékem, là tahuhen mudél ebéléu Dwata.” Ne yó bud monen bè yó kem tau mdà bè yó, “Hol hnungol ye kdéen tau, yóm monu ni.”

1 Bok Kem Tau Hol Geta 18:21

Omin Ilaydya mdà bè solu yóm kdéen tau, monen mò kul, “Deng kegen ye lemolò du yóm lewu kem hentahu ye? Ke Dwata se yóm tahu Dwata, hol du lolò ye. Okóm ke Baal se yóm Dwata, hol du lolò ye.” Okóm bà sekteb ke mudél le yó kem tau.

Kun Snulat Luk 12:1

Sotu kdaw bè yó, tódô le muluk ebè Jisas yó kem tey tau wen, balù hilu libu kwen le, gotu le segdà te hólól ti. Yó gna nmò Jisas, mudél ebè yó kem gel lemolò du, monen mò kul, “Hol ten-gama ye yóm kul kmò yó kem Farisi, yóm gel kehlingu le bè yó kem tau gel tedeng. Yóm kul kmò yó hol lumun ke bólen yóm bulung henok mambang.

Mark 7:13

Okóm deng mom knogol ye yóm hol tahu hlau Dwata. Hlau lenbù nmò ye hlolò yó kem tau. Ne tey dê he dumu nmò ye lómón ni.”

Mark 7:15

Là lemwóten bè yó kem kihu sungit yóm tau mit du là mólós bè Dwata. Okóm yó mit du là mólós, duhen yó kem sidek kebkó gel btang bè sumóngen.

Jirimaya 25:2

Yó udél Jirimaya yóm tau tugod Dwata ebè yó kem tau bè Juda ne bè Jirusalim, monen,