Mark 6:56 - Udél Dwata: Gna Kesfasad ne Lomi Kesfasad

⁵⁶ Kihu benwu gónón e solu, benwu lembang duhen ke benwu lemnek, sal gel mdengen gónó le semtifun kul yó kem tau gemnóm des. Gel henkodu le bè Jisas ke balù olo le gemdù nesen yó kem tau gemnóm des. Tahu se, tódô kdéen tau gemdù nesen, gotu le bud hyu.

Mark 6:56 Referans Kwoze

Matyu 9:20

Yóm igò le mógów mulit lan, wen sotu libun gemnóm des tenbalung mógów huli ke Jisas, ten-gafit nduen nesen. Abay se deng sfolò lewu halayen kegenen gemnóm du yóm desen.

Kun Snulat Luk 6:19

Tódô kdê yó kem tau gemnóm des, gotu tô na a mdù ke Jisas, abay se wen yóm ktued hkó des lemwót béléen. Ne tódô gotu mkó se des le yó kem tau gemdù du.

Mark 3:10

Deng dê ne bélê le hkóhen des le. Yó gónóm mon alì wen kem dumu tau gemnóm des alì segdendel ebéléen anì gdù le.

Kul Nmò 5:15

Lemwót bè yóm gel nmò yó kem hógów Jisas, yó nmò kem tau, gotu nwit le yó kem gemnóm des bélê le, sù le lu ta katri duhen ke ta igam le, ne hasà le lu gu bè kilil lan. Nangat le bud kius Pitér. Anien ke olo olungen he gemlan gu ta le, kaem tódô mkó yóm des le.

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Kul Nmò 4:9

Ke yó snólók ye yóm któbóng me yóm tau tehe kihod ni, ne yóm kmò kkóhen,

Kun Snulat Luk 22:51

Okóm bnólów Jisas, monen, “Geblaen yó ne.” Ne nduen yóm tuhod klinguhen, ne hol lómón ke laen dù hemenen.

Kun Snulat Luk 8:44

Mógów huli ke Jisas nim libun ni, ten-gafit nduen yóm nesen. Mung unihen gemdù du, tódô sennganen se teflok yóm litô gu béléen.

2 Bok Kem Tau Hol Geta 13:21

Sotu kdaw bè yó, yóm igò le lembeng yó kem tau Israél, ton le yóm sotu lumbuk gel hmékét bè lan yó. Uni le mton kul, tódô bot le yóm lówó yóm tau lebeng le elem yóm kilib gónó le tehe lembeng ke Ilaysa. Bè yóm kegdeken bè yó kem tiol Ilaysa yóm lówó tau matay bot le yó, tódô bud mowil ne mdà.

Matyu 14:36

Henkodu le béléen baluen ke olo le gemdù kilil nesen yó kem tau gemnóm des. Tahu se, tódô kdéen tau gotu mdù nesen, tódô le gotu bud hyu.

Mark 6:55

Tódô le gotu hetlasik lemwót na le e nangay yó kem tau gemnóm des anì gotu nwit le lu ebéléen. Balù kihu benwu gónó Jisas nô, sal gel wen tau gemnóm des sentihang le ebéléen.