Mark 6:55 - Udél Dwata: Gna Kesfasad ne Lomi Kesfasad

⁵⁵ Tódô le gotu hetlasik lemwót na le e nangay yó kem tau gemnóm des anì gotu nwit le lu ebéléen. Balù kihu benwu gónó Jisas nô, sal gel wen tau gemnóm des sentihang le ebéléen.

Mark 6:55 Referans Kwoze

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Mark 6:54

Bè yóm kekmó le gu ta yóm ówóng, tódô kendel dilô le Jisas yó kem tau bè yó.

Mark 6:56

Kihu benwu gónón e solu, benwu lembang duhen ke benwu lemnek, sal gel mdengen gónó le semtifun kul yó kem tau gemnóm des. Gel henkodu le bè Jisas ke balù olo le gemdù nesen yó kem tau gemnóm des. Tahu se, tódô kdéen tau gemdù nesen, gotu le bud hyu.

Kul Nmò 5:15

Lemwót bè yóm gel nmò yó kem hógów Jisas, yó nmò kem tau, gotu nwit le yó kem gemnóm des bélê le, sù le lu ta katri duhen ke ta igam le, ne hasà le lu gu bè kilil lan. Nangat le bud kius Pitér. Anien ke olo olungen he gemlan gu ta le, kaem tódô mkó yóm des le.