Mark 6:52 - Udél Dwata: Gna Kesfasad ne Lomi Kesfasad

⁵² Abay se ni kem lemolò ke Jisas ni, là deng glileb le du he ke du yóm tahu Ngà Dwata, balù yóm deng kton le du yóm hentaw ton nmoen mlan bè yóm mambang hkenen yó kem limu libu logi. Balù udì ke glileb le tendoken yóm deng nmò Jisas yó.

Mark 6:52 Referans Kwoze

Kun Snulat Luk 24:25

Ne bud mudél ebélê le Jisas, monen mò kul, “Tey kem tau là hulung hedem nim yu. Tey mima bélê ye hemtahu du kdê yó kem tehe gel tulón yó kem gna tugod Dwata ekni.”

Isaya 63:17

Moen de ke hlusem mi tabag? Moen de ke alì hgelem kulu me efet knogol me u? Géhél bud senfulékem mi, Dwata, igoen tolo wen kem tau bélê me he mimón kóm, igoen sem mi du yó kem kóm tau lemwót bè hol kbuten.

Mark 16:14

Bè hol són yóm kehegfan Jisas, tódô sut lem blóng yó kem sfolò sotu dù gel lemolò du bè yóm igò le tolo mken. Nudélen lu lemwót bè yóm là kehtahu le, ne lemwót bè yóm kgel kulu le, yó gónó le alì hemda du yóm tulón yó kem tau deng mton yóm bud klowilen.

Sulat Pol Ebè Yó Kem Tau Hemtahu Bè Rom 11:7

Ne duhen yó, là kô dog ton kem tau Israél du yóm hnebel le. Són olo mton du, són yó kem là wenen deng nélék Dwata. Bong yó kem dumu tau, baling le kembel, abay se là hnungol le du yóm taba Dwata kul.

Mark 7:18

Mon Jisas, “Laen dù tngón ye se kuy senta yó kem dumu tau. Ilóem là tngón ye du kô balù kihu sungit yóm tau, là kô yó du mit du là mólós bè Dwata?

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”