Mark 6:51 - Udél Dwata: Gna Kesfasad ne Lomi Kesfasad

⁵¹ Ominen motun ebélê le lem yóm ówóng, ne tódô teflok se yóm lenos. Ya tey sidek ketnga le.

Mark 6:51 Referans Kwoze

Mark 4:39

Omin Jisas yó hboluk btik ne mudél ebè yóm lenos, monen, “Botongem ne.” Ne bud monen ebè yóm lewók, “Heneki ne.” Tahu se, tódô kemnas yóm lenos ne menek te lanaw.

Kun Snulat Jan 6:21

Ominen yó he mgel nawa le, ne hotun le Jisas elem ówóng le. Bè yóm khotun le du elemen, tódô le se kendel gefet bè yóm benwu gónó le e solu.

Mark 7:37

Ya tey ketnga yó kem tau hmungol du, mon le, “Hono hyu yóm kdê gel nmoen,” yóm mò ke Jisas. “Balù yó kem bokong, bud mungol, ne yó kem umew, bud gudél.”

Mark 6:32

Tahu se. Kewót le bè yó són lu, smakay le ówóng, mógów le ebè yóm gónón tinof.

Mark 5:42

Tahu se, tódô kendel btik yóm ngà, ne tódô mógów gu bè yó. Deng wen dô sfolò lewu ne halayen yóm ngà yó. Ya tey ketnga yó kem tuhahen.

Mark 4:41

Ya tey sidek klikò le, stulón le, mon le, “Tmau du mni? Balù lenos ne lewók, sana kimón le du.”

Mark 2:12

Ne tahu se, bè yóm igò le temngel, tódô btik yóm tau yó koni, ne nwahen yóm tehe gónó le semtihang du, ne tódô lemwót mulék. Ya tey keseftaw le du, ne tey kdóyón le ke Dwata, mon le, “Là kô deng sulék ton me du kum nim ton me ni.”

Mark 1:27

Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

Matyu 8:10

Timbow gungol Jisas nim mon nim kfitan ni, tey kehtawen du, ne monen mò yó kem tau gel lemolò du, “Tódô tulónu kuy ktahuhen. Laen dù tau tonu bè klamangen Israél ke lómón ni hol kehtahuhen béléu.