Mark 6:48 - Udél Dwata: Gna Kesfasad ne Lomi Kesfasad

⁴⁸ Ne ton Jisas yóm tey keglayam le kemwa, abay se mom senlongen lu yóm lenos. Song sut bélê le Jisas, deng móyón mwas, tódô mógów ta él ebélê le, ne lómón ke tô hekteng niusen lu.

Mark 6:48 Referans Kwoze

Kun Snulat Luk 24:28

Ngang le stulón mulit lan efet le deng moni bè yóm benwu gónó le e solu. Yóm deng kkól le bè yóm benwu yó, tódô tô hekteng ke Jisas,

Kun Snulat Luk 12:38

Balù sóól buteng kkólen, duhen ke móyón mwas, senged nóm kehligal le yó kem tau deng eles htifes bè yóm kkólen.

Kun Snulat Jan 1:13

Yóm kbaling le ngà Dwata yó, là mlanen bè yó dum kngà tau te tonok, duhen ke lemwót bè knóyô lówó tau. Okóm tódô lemwót bè yóm kun kmò du Dwata yóm kehbalingen kul kun ngà.

Matyu 14:24

Blaem yóm ówóng snakay yó kem gel lemolò du, deng kól talak lanaw. Ya tey keglayam le nan e senlong lu yóm tey lenos bong.

Isaya 54:11

Yó bud udél Dwata, monen, “Ó Jirusalim, balù yóm tey alì keglayamem nim kmoen ni, laen kô dù tmóbóng kóm ne laen kô dù tau hemyu nawam, angat bud hen-guléku hdà kóm. Mahe yó kem botu tilob mebtes sminang mò gónóhen mdà yó kem hehekem.

Kem Lingón 104:3

Ne deng hdaem gónóem ta yóm él tofi ta longit. Yó muhem yóm lobun mò klitun gónóm myón, ne lenos fen demyol du.

Kem Lingón 93:4

Dwata se yóm hol dandónen geta kmamal longit. Yóm kun kgis, mkay senta kgis yóm tey lewók mohin, ne mkay senta yóm tey lungkulen.

1 Samwél 11:11

Okóm kifu bè yó, nólól Sol bè tlu lumbuk yó kem tauhen. Bè yóm hanà tolo minal mwas tódô hnusek le yóm kamfù yó kem tau Amun ne gotu hnatay le lu efet kemdaw. Gotu le sekla yó kem dù mowil bélê le, sotu kun mlóy.

Tekang Kbuten 32:26

Yó mon yóm tau mò ke Jakub, “Kóhem ou ne, abay se deng móyón mwas.” Mon Jakub se, “Là kô kóhu kóm ke là nan wen oluhem dou.”

Tekang Kbuten 19:2

ne monen mò kul, “Ó kem Sér, ke yó dum hyu bélê ye, na ye mung dou ebè gónô. Na ye holob ti ye bè yó ne tungô ye bélê me. Hlafus haya he kehlós ye.” Okóm yó balà le du, mon le, “Bayaem ne, bè ni ne gónó me tungô bè plasa.”

Kehewà 14:24

Timbow minal mwas bè yó, temngel elaan Dwata gu lem yóm ofi tmahà ne yóm lobun tmahà ebè yó kem sendalù Idyip ne ya tey kehlangafen kul.

Matyu 24:43

Ke eles tngón yóm tau fun gónô yóm kifu nan e knagaw lem gónóen yóm tau mnagaw, eles mabung anì là guseken yóm tau mnagaw.

Mark 6:47

Ngangen nô ditu efet kifu tek sotuhen. Blaem yóm ówóng snakay yó kem gel lemolò du, deng kól talak lanaw.

Mark 6:49

Bè yóm kton le du mógów ta él, ofo kul mon du ke busaw. Ya tey klangat le,

Mark 13:35

Senged se kuy,” mon Jisas, “hol ningat ye se kuy abay se là tngón ye du kkólen yóm fun gónô, ke deng sdef kdaw kkólen, duhen ke sóól buteng, duhen ke móyón mwas, duhen ke deng btù mata kdaw.