Mark 6:45 - Udél Dwata: Gna Kesfasad ne Lomi Kesfasad

⁴⁵ Omin Jisas hotun kul elem ówóng yó kem gel lemolò du, hegnahen lu efatu yóm lanaw bè yóm benwu boluyen Bitsayda, ominen yó bud hulék yó kem tey tau wen.

Mark 6:45 Referans Kwoze

Mark 8:22

Ngang le Jisas mówóng bè yó efet le dmuung bè Bitsayda. Bè yóm kkól le bè yó, wen tau butô nit le ebè Jisas, ne henkodu le béléen anì olon menok du.

Mark 6:32

Tahu se. Kewót le bè yó són lu, smakay le ówóng, mógów le ebè yóm gónón tinof.

Kun Snulat Luk 10:13

Bud mon Jisas, “Nawaw nim yu, kem tau bè Kurasin, nawaw yu snéen kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, là kô gbek le du ke là lemsek le nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek gel nmò le.

Matyu 11:21

Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.